धौलागिरि खबर

बेनीमा सडक अतिक्रमण गरि बनाइएका संरचना हटाउन १५ दिनको अल्टिमेटम

Beni Sanjibani

धिरन खत्री

बेनी । बेनी बजारमा सडक अतिक्रमण गरि बनाइएको संरचना हटाउन १५ दिनको अल्टिमेटम (समयसिमा) दिइएको छ ।

Gose add

बेनी नगरपालिकाको कार्यालयमा मंगलबार भएको सरोकारवालाहरुको बैठकले सडकमा आवत जावत प्रभाबित हुने गरी बनाइएका संरचना हटाउन बुधबार देखि लागु हुने गरि १५ दिनको समय दिने निर्णय गरेको हो ।

तोकिएको समयभित्र होटल, फेन्सी, खाद्यान्न, फलफूल ब्यवसायीले घर भन्दा बाहिर सडक च्यापेर राखिएका होडिङ बोर्ड र जस्तापाटाको छाप्रो नहटाए भत्काउने निर्णय भएको छ । यसैगरी पैदलयात्रुका लागि बनाइएको फुटपाथमा सामान नराख्न पनि निर्देशन दिएको छ ।

Chadani auto head

बेनी बजारको पार्किङ, सवारी आवत जावत, सार्वजनिक स्थल सरसफाई, सिसि क्यामरा, बिद्युत लगायतलाई ब्यवस्थित गर्ने उद्देश्यले बेनी नगरपालिकाका पदाधीकारी, प्रसासन, सुरक्षा निकाय, उद्योग बाणिज्य संघ र ट्राफिक प्रहरी कार्यालयका प्रतिनिधीहरुबीच छलफल गरिएको प्रमुख प्रशासकीय अधिकृत धोलकराज ढकालले बताउनुभयो ।

नगरप्रमुख हरिकुमार श्रेष्ठले सडक अतिक्रमण गरि बनाइएका संरचना हटाउन बुधबार देखि लागु हुने गरि १५ दिनको समय दिएको बताउनुभयो । ‘बेनी बजार सुन्दर बनाउने अभियानमा भएको कमिकमजोरीलाई नदोहोरिने गरी ब्यवसायीलाई आग्रह गरिएको छ,’ उहाँले भन्नुभयो ‘सो समयमा सडकलाई असर गर्ने गरी राखिएको बोर्ड नगरपालिका र सुरक्षा निकाय मिलेर हटाउने निर्णय भएको छ ।’

प्रमुख जिल्ला अधिकारी चिरञ्जीवी रानाले सरोकारवालाहरुको निर्णय बेनी बजारका ब्यवसायीले कार्यान्वयन नगरेमा सुरक्षा निकायको सहयोगमा हटाउने प्रतिवद्धता जनाएका थिए । प्रजिअ रानाले बजारलाई सुन्दर बनाउन टोलसुधार समिति सक्रिय, बसपार्क ब्यवस्थापन समिति निर्माण गर्न, सरसफाई गर्ने कुचिकार राख्न नगरपालिकाले ध्यान दिन सुझाव दिनुभयो ।

म्याग्दी उद्योग बाणिज्य संघ अध्यक्ष बेलबहादुर कटुृवालले बजारलाई ब्यवस्थित बनाउन नगर प्रहरी र सार्वजनिकस्थल सरसफाई गर्ने कुचिकार राख्न आग्रह गर्नुभयो । प्रहरी नायव उपरिक्षक श्यामकुमार राईले बजारका सार्वजनिकस्थलका अस्थाई छाप्राहरु हटाएर पाकिङलाई ब्यवस्थित बनाउन सहयोग गर्न आग्रह गर्नुभयो ।

ट्राफिक ब्यवस्थापनमा बजारबासी सचेत बनेर पार्किङ र नो पार्किङलाई बोर्डलाई हप्ता–हप्तामा परिर्वतन गरिदिन आग्रह गर्नुभयो । बेनी बजारलाई सुन्दर बनाउने विभिन्न समयमा भएका निर्णहरु कार्यान्वयनको अभावले बेनी बजार अब्यवस्थित र ब्यवसायीको सामानहरुले सडकहरु साघुरो हुँदा सेवाग्राहीलाई सास्ती भएको छ । दुर्घटनाको जोखिम बढेको र बजार भित्र सवारी जाम हुने समस्या छ ।

Digo clinic
प्रतिक्रिया दिनुहोस
Loading...