धौलागिरि खबर

उपल्लो मुस्ताङको सिमावर्ति बस्तीमा पुग्यो केन्द्रिय लाइनको बिद्युत

Beni Sanjibani

बेनी, चिनसँग सिमाना जोडिएका मुस्ताङको लोमान्थाङ गाउँपालिकामा केन्द्रिय प्रशारण लाइनको बिद्युत सुबिधा बिस्तार भएको छ ।

नेपाल बिद्युत प्राधिकरण र गण्डकी प्रदेश सरकारले लोमान्थाङको १ र २ नम्बर वडामा पर्ने नेचुङ, छोसेर, न्याम्रु र आर्गामा बिद्युतिकरण गरेका हुन् । नेचुङ र छोसेर चिनको सिमाना कोरला नाकामा नेपाल तर्फका अन्तिम बस्ती हुन् ।

प्राधिकरणको तातोपानी बितरण केन्द्रका प्रमुख शिवप्रसाद नेपालले दुई वटा वडाका १५० घरधुरीमा बिजुली बलेको जानकारी दिनुभयो । “लोमान्थाङको ३ र ४ नम्बर वडामा पनि वायरिङको काम चलिरहेको छ,” उहाँले भन्नुभयो “लोघेकर–दामोदरकुण्ड गाउँपालिकाको पाँच वटा मध्य एक वटा बाहेकमा बिद्युतीकरण भइसकेको छ ।”

Rara Auto Mobiels

भौगोलिक रुपमा बिकट र दुर्गम क्षेत्रमा पर्ने सिमावर्ति गाउँहरुमा बिद्युत सुबिधा भएपछि स्थानीयबासीमा खुसीयाली छाएको छ । घरायसी, कार्यालय र प्रशासनिक काम गर्न, इन्टरनेट चलाउन र सञ्चारका उपकरण प्रयोग गर्न सहज भएको छ । यसअघि उज्यालोका लागि सोलार र टुकी बाल्ने गरेका थिए ।

Chadani auto head

चालु आर्थिक बर्ष भित्रनै उपल्लो मुस्ताङका दुई वटा गाउँपालिकाको सबै बस्तीमा केन्द्रिय प्रशारण लाइनको बिद्युत सुबिधा बिस्तार गर्ने तयारी सहित काम भइरहेको केन्द्र प्रमुख नेपालले बताउनुभयो ।

११ केभी क्षमताको लाइनबाट चिनको सिमा वर्तिबस्तीसम्म बिद्युतिकरण गरिएको निर्माण ब्यवसायी दिनेश ढुङ्गानाले जानकारी दिनुभयो । नेपाल बिद्युत प्राधिकरणसँग त्यहाँ बिद्युतीकरणका लागि बेनीको न्यु ढुङ्गाना निर्माण सेवासँग ठेक्का सम्झौता गरेको थियो ।

तार, पोल र उपकरण प्राधिकरणले खरिद गरेर ढुवानी र जडानको काम गर्न ठेक्का लगाउने गर्छ । मुस्ताङमा निलगिरी उपभोक्ता सहकारी संस्था मार्फत बिद्युत बितरण र महशुल संकलन गरिदै आएको छ ।

लोमान्थाङ र लोघेकर दामोदरकुण्ड गाउँपालिकामा राष्ट्रिय प्रशारणको बिद्युत लाईन बिस्तारका लागि गण्डकी प्रदेश सरकारले आर्थिक वर्ष २०७५÷०७६ मा करिब रु. आठ करोड बिनियोजन गरेको थियो ।

उपल्लो मुस्ताङबाट निर्बाचित गण्डकी प्रदेशसभा सदस्य ईन्द्रधारा बिष्टका अनुसार सो बजेटबाट लोमान्थाङमा मुख्य लाइनको ३९६ र शाखा लाईनका १८० पोल पु¥याइएको थियो । लोघेकर दामोदरकुण्डमा मुख्य लाइनका १९६ र शाखा लाइनका ७० थान पोल प्रदेश सरकारले दिएको थियो ।

म्याग्दीको दानासम्म ल्याइएको पोल, तार र ट्रान्सफरमर सम्बन्धित पालिकाले ढुवानी गरेर निर्माण स्थलमा लगेका थिए । लोघेकर दामोदरकुण्डको घिलिङ, घमी, ढाक्मर, चराङ र मराङमा यसअघिनै बिद्युतिकरण भएको थियो ।

Digo clinic
प्रतिक्रिया दिनुहोस
Loading...