![Add Samajik bikash office](https://dhaulagirikhabar.com/wp-content/uploads/2024/06/Add-Samajik-bikash-office-3.jpg)
हतारिएर एकता गर्दैनौ
बेनी । नेपाल कम्युनिष्ट पार्टी (नेकपा)का महासचिब नेत्रबिक्रम चन्द् (बिप्लप)ले तीन बुदे सहमति कार्यान्वयनमा सरकारले बेवास्ता गरेको बताउनु भएको छ ।
म्याग्दीको बेनीमा बुधबार मगर मुक्तिमोर्चाको चौथो राष्ट्रिय सम्मेलनको उद्घाटन सभालाई सम्बोधन गर्दै चन्द्ले सरकार र नेकपा बीच भएको तीन बुदे सहमति कार्यान्वयनमा बेवास्ता गरिएको भन्दै आक्रोश ब्यक्त गर्नुभयो ।
![Shreekrishna hardwear in news](https://dhaulagirikhabar.com/wp-content/uploads/2023/10/Shree-Krishna-Hardware.gif)
‘तीन बुदे सहमति पार्टी एकता, पैसा र पदका लागि होइन,’ उहाँले भन्नुभयो ‘प्रतिबन्ध हटेपनि जेलमा रहेका हाम्रा नेता कार्यकर्ताको रिहाई र झुटा मुद्दा खारेज गर्न बेवास्ता भएको छ ।’
![](https://dhaulagirikhabar.com/wp-content/uploads/2021/11/Biplap-photo.jpg)
कानुन सिकाउने वकिल र न्यायाधिश आफ्नै नेतृत्व बिरुद्ध आन्दोलन गर्नुपर्ने, दुई–दुई पटक संसद बिघटन हुनु, दुई तिहाई नजिकको बहुमत पाएको सरकार ढल्नु, भ्रष्ट्राचार, बेतिथि बढ्नुमा संसदीय ब्यवस्था दोषी रहेको बिप्लपको ठहर छ ।
बैज्ञानिक समाजवादको अभ्यास गर्न जनमत संग्रह गरेमा प्रतिस्पर्धामा जान तयार रहेको चन्द्ले बताउनुभयो । जनताको समस्या, बैदेशिक हस्तक्षेप, बेतिथिका बिरुद्ध आवाज उठाउने र आफ्ना मुद्दालाई लिएर जनतामाझ जानका लागि सरकारसँग सहमति गरेको चन्द्को भनाई छ ।
![Bhautik ministry notice about road](https://dhaulagirikhabar.com/wp-content/uploads/2023/10/Bhautik-ministry-notice-scaled.jpg)
सर्त सहितको बैदेशिक सहायता लिन नहुने बताउदै चन्द्ले देशका लागि भ्रष्ट्राचार, करछलीका बिरुद्ध आवाज उठाउँदा आफूहरुलाई लगाइएको प्रतिबन्ध जनताले साथ नदिएपछि असफल भएको दाबी गर्नुभयो ।
बाह् बुदे सम्झौताको नाममा माओवादी शक्तिलाई सिध्याउन खोज्ने षडयन्त्र भएको र नेताहरु पनि सोही षडयन्त्रमा फसेकाले जनताको अधिकार खोसिएको तर्क गर्नुभयो । ‘दलाल, पुजिपति र बिदेशीको इसारामा चल्ने सत्ता चाहिएको छैन,’ चन्द्ले भन्नुभयो ‘जनताको अधिकार खोस्नका लागि दमन, षडयन्त्र भयो भने बिद्रोह हुन्छ ।’
![](https://dhaulagirikhabar.com/wp-content/uploads/2021/11/Biplap-ko-Sava-ma-sahabhagi.jpg)
चन्द्ले माओवादी घटकहरुबीच सहकार्य गर्दै कम्युनिष्ट एकताको पहल गरिएपनि तत्कालै हतार गर्न नहुने बताउनुभयो । ‘एकता र सहकार्यका लागि नयाँ बिचार, लक्ष्य र उद्देश्यका बिषयमा छलफल हुनुपर्छ,’ उहाँले भन्नुभयो ‘जनतालाई केन्द्रमा राखेर सोच्न र पुराना नेताहरुले नेतृत्व हस्तान्तरण गर्नुपर्ने सर्त राखेका छौ ।’
हतारमा भन्दा पनि दिर्घकालिन हिसाबले सोचेर एकता गर्नुपर्ने पक्षमा रहेको चन्द्ले बताउनुभयो । सभालाई नेकपाका नेताहरु सन्तोष बुढामगर, उमा भुजेल, रामबहादुर बिक, अनेमसंघ क्रान्तिकारीका सचिब उषा घर्ति घिमिरे,म्याग्दी जिल्ला सेक्रेटरी शुशिला बिक लगायतले सम्बोधन गर्नुभएको थियो । तत्कालीन माओवादीले जनयुद्धमा बनाएको जनमुक्ति सेना स्थापना तथा बि.स. २०७१ मंसिर ८ गते नेकपा गठन भएको दिनको अवसर पारेर मोर्चाको सम्मेलन आयोजना गरेका हुन् ।
तीन दिनसम्म चल्ने सम्मेलनले मगर मुक्ति मोर्चाको नयाँ नेतृत्व चयन गर्ने संयोजक गमबहादुर श्रीसले बताउनुभयो । सम्मेलनको अवसरमा बेनी बजारमा झाँकी सहितको ¥याली निकालेका थिए ।
![](https://dhaulagirikhabar.com/wp-content/uploads/2021/11/Biplap-Thali-Dance-1024x683.jpg)
![Gandaki dadelo notice](https://dhaulagirikhabar.com/wp-content/uploads/2023/05/Add-aantarik-mamila-upabhokta.jpg)