म्याग्दी — जिल्ला प्रशासन कार्यालयले जिल्लाबाट विद्युतीय राहदानी (इ–पासपोर्ट) वितरण नहुँदासम्मका लागि मेसिन रिडेबल राहदानी (एमआरपी)फारम संकलन कार्य बन्द गरेको छ ।
राहदानी विभागको च नं ६०४ पत्रसंख्या २०७८/०८/२ को पत्रका अनुसार सहायक प्रमुख जिल्ला अधिकारी धिरेन्द्रराज पन्तद्वारा हस्ताक्षरित सूचना जारी गरी जिल्ला प्रशासन कार्यालयमा संकलन हुँदैआएको एमआरपी फारम संकलन अनिश्चित समयका लागि बन्द गरिएको जनाएको हो ।
प्रशासन कार्यालयले अति जरुरी भए कारण र प्रमाण पेश गरी राष्ट्रिय परिचयपत्र फारम भरी प्रशासन कार्यालयको सिफारिससहित राहदानी विभागमा मेसिन रिडेबल पासपोर्ट (एमआरपी) लिन सकिने पनि उल्लेख गरेको छ ।
