धौलागिरि खबर

सडक दौड प्रतियोगिताको उपाधी भुमिराज र मनिषालाई

Hariyali Groups Pvt Ltd

बेनी । ३२ औ अन्तराष्ट्रिय बालअधिकार दिवसको अवसरमा शनिबार बेनीमा १८ वर्ष मुनीका छात्रछात्राहरुबीच सडक दौड प्रतियोगिता भएको छ ।

जिल्ला खेलकुद बिकास समिति र एथलेटिक्स संघले आयोजना गरेको प्रतियोगितामा छात्रतर्फ ४० र छात्रातर्फ ११ जनाले सहभागिता जनाएका थिए । ८ किलोमिटर दुरी २४ मिनेट ६ सेकेण्डमा पार गरेका बेनी बोर्डिङ आवासीय माबिका भूमिराज नेपाली छात्रतर्फ प्रथम हुनुभयो ।

दोस्रो भएका भानु माबीका महेश किसानले २४ मिनेट ३५ सेकेण्ड, तृतीय भएका थामडाडा युवा क्लबका मनिष गुरुङले २५ मिनेट २० सेकेण्ड र चौथो भएका बेनी सामुदायिक माबिका रामबहादुर चित्रकारले २६ मिनेट १५ सेकेण्डमा ८ किलोमिटर दुरी पार गर्नुभएको थियो ।

Rara Auto Mobiels
Chadani auto head

छात्रातर्फ प्रथम भएकी हेम माबी शिवाङकी मनिषा खत्रीले ३३ मिनेट, दृतीय भएकी न्यु वेष्ट पोइन्ट आवासीय माबिका एन्जिला खत्रीले ३४ मिनेट ४७ सेकेण्ड र तृतीय भएकी प्रकाश माबिकी देबी थापाले ३८ मिनेट ४७ सकेण्डमा दुरी पार गरेका थिए ।

४१ मिनेट लगाएका बेनी सामुदायिक माबीका तारादेबी क्षेत्री, सुजा बानिया र बिनिता क्षेत्री तीनै जना सान्तवना भए । प्रथम, दृतीय, तृतीय र सान्तवना हुनेलाई क्रमश ः रु. आठ हजार, पाँच हजार, तीन हजार र एक हजारका दरले पुरस्कार बितरण गरिएको जिल्ला खेलकुद बिकास समितिका अध्यक्ष दिनेश केसीले जानकारी दिनुभयो ।

प्रमुख जिल्ला अधिकारी चिरञ्जिबी राना, समितिका अध्यक्ष केसी, प्रहरी निरीक्षक बिरेन्द्रराज गुरुङ, प्रदेश सदस्य चन्दा घले, कार्यालय प्रमुख दानबहादुर राइले पुरस्कार बितरण गर्नुभएको थियो । प्रमुख अतिथि प्रजिअ रानाले प्रतियोगिताले किशोर किशोरीहरुको खेल प्रतिभा पहिचान र प्रस्फुटन गराउन सहयोग पुगेको बताउनुभयो ।

Dhakal lab
प्रतिक्रिया दिनुहोस
Loading...