![Add Samajik bikash office](https://dhaulagirikhabar.com/wp-content/uploads/2024/06/Add-Samajik-bikash-office-3.jpg)
बेनी, म्याग्दीको धवलागिरि गाउँपालिका–१ गुर्जामा शुक्रबार निशूल्क स्वास्थ्य शिबिर सम्पन्न भएको छ ।
कोरियन नागरिक जङयोङ चोल र लिङ जङभी को आर्थिक सहयोगमा सञ्चालन भएको शिबिरबाट एक सय जना भन्दा बढीले सेवा लिएका वडा अध्यक्ष झकबहादुर छन्त्यालले जानकारी दिनुभयो ।
![Bhautik ministry notice about road](https://dhaulagirikhabar.com/wp-content/uploads/2023/10/Bhautik-ministry-notice-scaled.jpg)
गुर्जामा जन्मिएर पोखराको चरक अस्पतालमा कार्यरत डाक्टर लोकेन्द्र छन्त्यालको समन्वयमा शिविर सम्पन्न भएको हो । स्वास्थ्य परिक्षण र औषधी वितरण गरिएको थियो । शिविरमा डाक्टर छन्त्यालको टोलीलाई गुर्जा स्वास्थ्य चौकीका अनमी चोलमायाँ छन्त्यालले समेत सहयोग गर्नुभएको थियो ।
![Shreekrishna hardwear in news](https://dhaulagirikhabar.com/wp-content/uploads/2023/10/Shree-Krishna-Hardware.gif)
बिगतमा समेत भ्रमणमा आउँदा गुर्जामा शिक्षा क्षेत्रमा सहयोग गर्दै आएका कोरियन नागरिकले यस बर्ष स्वास्थ्य शिविर आयोजना गरेका हुन् । रोजगारको शिलसिलामा कोरियामा बसेर फर्कनुभएका स्थानीय हिराबहादुर छन्त्याल र रेशम छन्त्यालको सक्रियतामा शिविर सम्पन्न भएको थियो ।
![Gandaki dadelo notice](https://dhaulagirikhabar.com/wp-content/uploads/2023/05/Add-aantarik-mamila-upabhokta.jpg)