![Add Samajik bikash office](https://dhaulagirikhabar.com/wp-content/uploads/2024/06/Add-Samajik-bikash-office-3.jpg)
बेनी । म्याग्दी सदरमुकाम बेनीमा झिनीया र सेल रोटीको ब्यापार फस्टाउदै गएको छ । यस वर्षको दशैँ र तिहारको अवधिमा लाखौको झिनीया र सेल रोटीको ब्यापार भएको छ ।
बेनीका झिनीया उत्पादक तथा ब्यापारीहरुका अनुसार दसै तिहारको एक महिनाको अवधिमा एक जनाले रु. एक लाख देखि रु. दुई लाखको बिक्री गरेका छन् । बेनीमा झिनीया उत्पादन गरेर बिक्री गर्ने उद्यमीहरुको संख्या बिस जना भन्दा धेरै छ ।
![](https://dhaulagirikhabar.com/wp-content/uploads/2021/11/Jhineaya-4-1024x683.jpg)
![Shreekrishna hardwear in news](https://dhaulagirikhabar.com/wp-content/uploads/2023/10/Shree-Krishna-Hardware.gif)
मंगलाघाटका उद्यमी हरिकुमार श्रेष्ठले दसै तिहारको अवधिमा झिनीयाको माग अत्याधिक भएको बताउनुभयो । माग पुरा गर्न नसकेको उहाँको भनाई छ ।
![Bhautik ministry notice about road](https://dhaulagirikhabar.com/wp-content/uploads/2023/10/Bhautik-ministry-notice-scaled.jpg)
घरमा बनाउन झञ्जट हुने, बिग्रने डर र कोसेली लैजान सजिलो हुने भएकाले कोशेलीका लागि झिनीया किन्ने गरेका खबराकी देबी शर्माले बताउनुभयो ।
झिनीया आकार अनुसार प्रतिगोटा रु. दश देखि रु. पन्ध्रमा बिक्री हुन्छ । सिप भएकाहरुलाई फुर्सदको समय सदुपयोगका साथै आयआर्जनको अवसर छ । हेर्दा आकर्षक, खानलाई स्वादीलो, सजिलो तथा तयारी खाजाको रुपमा प्रयोग गर्न सकिने भएकाले चाडपर्वको समयमा झिनीया रोटीको खपत धेरै हुने गर्छ ।
चामलको पिठो पकाएर त्यसलाई मेसीनमा पेलेर निस्कने चाउचाउको जस्तो त्यान्द्रोलाई घाममा सुकाएपछि बन्ने झिनीया घ्यू, तेलमा फ्राई गरेर खान योग्य हुने मंगलाघाटकी उद्यमी कल्पना श्रेष्ठले बताउनुभयो । बनाउन झञ्जटीलो भएपनि झिनीयाको ब्यापार गर्नेहरुको कमाई भने राम्रो छ ।
ग्राहक घरमै आउने भएकाले बजारको समस्या छैन् । स्वास्थ्यकर्मीहरु भने झिनीया बनाउँदा, सुकाउँदा, भण्डारण र उपभोग गर्दा सरसफाईमा ध्यान दिनुपर्ने बताउँछन् ।
![Gandaki dadelo notice](https://dhaulagirikhabar.com/wp-content/uploads/2023/05/Add-aantarik-mamila-upabhokta.jpg)