![Add Samajik bikash office](https://dhaulagirikhabar.com/wp-content/uploads/2024/06/Add-Samajik-bikash-office-3.jpg)
बेनी । म्याग्दीको बेनी नगरपालिका–४ सिंगामा ब्यवसायिक फुल खेती गरिएको छ ।
तिहार पर्व र जिल्लामा आयोजना हुने कार्यक्रमहरुलाई लक्षित गरेर हरियाली ग्रुप प्रा.लीले ब्यवसायिक फुल उत्पादन गरेको हो । आँगेबगर र सिंगामा दुई÷दुई रोपनी क्षेत्रफलमा फुल खेती गरिएको हरियाली ग्रुप प्रा.लीका सञ्चालक सेरबहादुर केसीले बताउनुभयो ।
बागलुङ, बेनी, कुश्माको बजार र सिंगा आसपासका क्षेत्रमा प्रतिकिलो रु. तीन सयका दरले फुल बिक्री शुरु गरेका छन् । सिंगा र वरपरका ठाउँबाट तिहारका लागि फुलको अत्याधिक माग आएको सञ्चालक केसीले बताउनुभयो ।
![](https://dhaulagirikhabar.com/wp-content/uploads/2021/11/Ful-kheti-3-1024x683.jpg)
![Shreekrishna hardwear in news](https://dhaulagirikhabar.com/wp-content/uploads/2023/10/Shree-Krishna-Hardware.gif)
![Bhautik ministry notice about road](https://dhaulagirikhabar.com/wp-content/uploads/2023/10/Bhautik-ministry-notice-scaled.jpg)
हरियालीले बिगत ३ बर्षदेखि ब्यवसायिक फुुल खेती गर्दै आएको छ । यसअघिका बर्षमा उन्नत जातको सयपत्री फुल खेती गरेको थियो । यसबर्ष धेरै समय टिक्ने स्थानीय सयपत्री जातको बिरुवा लगाएका छन् । उत्पादन र बिmत्री राम्रो भएको सञ्चालक केसीले बताउनुभयो ।
अघिल्ला बर्षहरुमा एक देखि डेढ लाख रुपैयाँ मूल्य बराबरको फुल बेचेको फार्मले यसपाली अझ बढी बिक्री हुने अनुमान गरेको छ । तिहारमा पुजाआजा र माला बनाउन फुलको प्रयोग हुन्छ । अन्य समय पुजाआजाका साथै सभा समारोह आयोजना गर्दा पनि अतिथिलाई स्वागत गर्न माला लगाईदिदा फुल आवश्यक पर्छ ।
बेनी बजार र आसपासका क्षेत्रमा घरायसी प्रयोजनका लागि लगाएको फुलको बोटबाट बढी उत्पादन भएमा मात्र फुल बेच्ने चलन छ । केही बर्षयता तिहारमा बजार वरपरका ग्रामिण क्षेत्रका कृषकले फुल बेच्न आउन थालेका छन् ।
![](https://dhaulagirikhabar.com/wp-content/uploads/2021/11/Ful-kheti-4-1024x683.jpg)
![Gandaki dadelo notice](https://dhaulagirikhabar.com/wp-content/uploads/2023/05/Add-aantarik-mamila-upabhokta.jpg)