![Add Samajik bikash office](https://dhaulagirikhabar.com/wp-content/uploads/2024/06/Add-Samajik-bikash-office-3.jpg)
बेनी । म्याग्दीका स्थानीय तहमा महिला तथा बालबालिका क्षेत्रमा काम गर्ने कर्मचारीहरुका लागि आइतबारदेखी बेनीमा अभिमुखीकरण कार्यक्रम शुरु भएको छ ।
सामाजिक विकास कार्यालय म्याग्दीले महिला तथा बालबालिका क्षेत्रका कार्यरत कर्मचारीको क्षमता बृद्धि गर्नका लागि आयोजना गरेको अभिमुखीकरण तालिम दुई दिनसम्म सञ्चालन हुनेछ ।
![Bhautik ministry notice about road](https://dhaulagirikhabar.com/wp-content/uploads/2023/10/Bhautik-ministry-notice-scaled.jpg)
कार्यालय प्रमुख रमेश थापाले सामाजिक क्षेत्रमा सहयोग पुग्ने किसिमले म्याग्दी ६ स्थानीय तहमा महिला तथा बालबालिका क्षेत्रमा कार्यरत कर्मचारी, सरकारी कार्यालयमा कार्यरत कर्मचारी, गैससस्थित कार्यालयका कर्मचारीको उपस्थितमा दुई दिने अभिमुखीकरण तालिम संचालन गरेको बताउनुभयो ।
![Shreekrishna hardwear in news](https://dhaulagirikhabar.com/wp-content/uploads/2023/10/Shree-Krishna-Hardware.gif)
तालिममा सहभागिलाई कार्यालय प्रमुख थापा, डम्मर बहादुर जिसी, प्रमुख जिल्ला अधिकारी चिरञ्जिवी राना लगायतले सहजिकरण गर्नुहुने जनाइएको छ । गत भदौ २१ गतदेखि सामाजिक विकास कार्यालय बेनीमा राखिएको हो ।
महिला, बालबालिका, अपाङ्गता र बृद्ध बाआमा भएका ब्यक्तिको क्षमता विकास तालिम र उनीहरुलाई आवश्यक सामाग्रीहरु उपलब्ध गराउने कार्यक्रम बनाएको छ । सरोकारवालाहरुलाई कार्यालयको योजना तथा कार्यक्रम र बजेट जानकारी गराई कार्यान्वयनमा समन्वय तथा सहजिकरण गर्ने उद्देश्यले अभिमुखीकरण आयोजना गरिएको कार्यालय प्रमुख थापाले बताउनुभयो ।
![Gandaki dadelo notice](https://dhaulagirikhabar.com/wp-content/uploads/2023/05/Add-aantarik-mamila-upabhokta.jpg)