धौलागिरि खबर

प्रवासीलाई मताधिकार र श्रमिकलाई पेन्सन एनआरएनएको अध्यक्षको प्रत्यासी रबिनाको एजेन्डा

Hariyali Groups Pvt Ltd

बेनी । गैरआवासीय नेपाली संघ संघ (एनआरएन)को आशन्न दशौ महाधिवेशनमा अध्यक्षकी प्रत्यासी रबिना थापाले प्रवासीलाई मताधिकार र श्रमिकलाई पेन्सनको ब्यवस्था कार्यान्वयन गराउने एजेण्डा अघि सार्नुभएको छ ।

जन्मथलो म्याग्दीमा आउनुभएकी थापाले प्रवासी नेपालीका सन्तानलाई भाषा र संस्कृति हस्तान्तरण, हरियो राहदानी बाहक प्रवासीलाई मताधिकारको संबैधानिक अधिकार कार्यान्वयन र नेपाली श्रमिकको जिवन, स्वास्थ्य बिमा र पेन्सनको सुबिधा मुख्य एजेण्डा बनाएर उमेद्वारी घोषणा गरेको बताउनुभयो ।

“प्रवासमा हाम्रा सन्तानलाई नेपाली भाषा र संस्कृति हस्तान्तरण गरेर मातृभूमिसँगको दुरी घटाउन आवश्यक छ,” एनआरएनएको बाहलवाला उपाध्यक्ष समेत रहेकी रबिनाले भन्नुभयो “बिश्वभरका हरियो राहदानी बाहक नेपालीलाई मताधिकार र अन्य देशकालाई जस्तै नेपाली कामदारलाई पनि स्वास्थ्य, जिवन बिमा र पेन्सनको सुबिधा दिलाउने थप एजेण्डा हुन् ।”

Rara Auto Mobiels

बिश्व श्रमबजारमा इमानदारिता नेपालीको ब्राण्ड भएको उहाँले बताउनुभयो । यसपटक अमेरिकाले एनआरएनएको अध्यक्षमा पहिलो पटक दाबी गरेको छ । त्यो पनि महिलाबाट । यअसघि अस्टे«लियाकी जमुना घलेको प्रयास सफल भएको थिएन् । एनआरएनएको २० बर्षे इतिहाँसमा पहिलो पटक नेतृत्वमा महिलालाई पु¥याउन बिश्वभरका एनएरएनएहरुको आफुलाई साथ र सहयोग मिल्ने थापाको बिश्वास छ ।

सन २०१३ मा एनआरएनए अमेरिकाको सदस्य बनेकी रबिना २०१५ मा एनआरएनए अमेरिका र २०१९ मा अन्तराष्ट्रिय कार्यसमितिको उपाध्यक्षमा लोकप्रिय मत ल्याएर बिजयी हुनुभयो ।

Chadani auto head

देवघाटमा बालबिधवा वृद्धाहरुको ब्यवस्थापन, सिन्धुपाल्चोकमा बिद्यालय भवन निर्माण, भूकम्पका बेला कास्कीको मास्टनामा अस्थायी बिद्यालय बनाउने, भारतले नेपाललाई नाकाबन्दी गर्दा अमेरिका स्थित भारतीय दुतावास अघि पुगेर दवाव दिने र कोरोना महामारीका कारण बिदेशमा समस्यामा परेका नेपालीको उद्दार देखि नेपालमा स्वास्थ्य सामग्री र उपकरण पठाउन अगुवाई गरेको थापाले बताउनुभयो ।

अमेरिकाको चर्चित बाना संस्थाको नेतृत्व गरेकी थापाले नेपाल भ्रमण वर्ष २०११ सफल पार्न तत्कालीन अमेरिकाका लागि नेपालका राजदुत शंकर शर्मासँग समन्वय गरेर अमेरिकामा भब्य कार्यक्रम गर्नुभएको थियो । उहाँले अमेरिकामा नेपाली भाषा संरक्षण, बिजनेश र इमिग्रेसन सम्बन्धी सचेतनामुलक कार्यक्रम शुरु गर्नुभएको थियो ।

पोखराका नारायण थापासँग बिवाह गर्नुभएकी थापाले अमेरिकाकाको मेरिल्याड राज्यमा लुम्बीनी रेष्टुरेन्ट सञ्चालन गर्नुभएको छ । अमेरिकामा उहाँले रियलस्टेट ब्यवसायमा पनि लगानी गर्नुभएको छ । सन १९९० मा ब्यवसायिक भिषामा जापान गएर त्यहाँ रेष्टुरेन्ट र आयात निर्यात ब्यवसाय गर्नुभएकी थापाले १९९६ मा विश्वमै पहिलो पटक प्रवासमा जापानमा तिज पर्वको अवसरमा कार्यक्रम गर्नुभएको थियो । उहाँले जापानबाट नेपालमा सेकेण्ड हेण्ड गाडी आयात गर्ने ब्यवसाय गर्नुहुन्थ्यो ।

जापान र अमेरिकामा नेपाली जनसम्पर्क समितिको संस्थापक भएर सामाजिक क्षेत्रमा पाइला अघि बढाउनुभएको थियो । अमेरिकामा अहिले पनि थापाले नेपाली सामग्रीको बजारीकरण सम्बन्धी ब्यवसायका साथै प्रचारप्रसार गर्नुहुन्छ । सन २००२ मा जापानबाट ब्यवसायको शिलशिलामा अमेरिका पुगेकी थापाका दुई छोरा छन् ।

अमेरिकाको सहयोग नेपालमा भित्र्याउन, अमेरिका र नेपालको सम्बन्ध थप सुमधुर बनाउन एनआरएनएमा महिलाको रुपमा आफ्नो नेतृत्व आवश्यक रहेको रबीनाले बताउनुभयो । म्याग्दीको धवलागिरी गाउँपालिका–६ मराङमा जन्मनुभएकी रबिना कक्षा ४ सम्म दरबाङको जनप्रिय माबीमा पढ्नुभएको थियो । १२ वर्षको हुदा उहाँ दरबाङबाट हिडेर बेनी पोखरा हुदै काठमाडौ छिरेको सम्झनुभयो ।

Dhakal lab
प्रतिक्रिया दिनुहोस
Loading...