बेनी। म्याग्दीको बेनी नगरपालिका–१ रत्नेचौरका एक परिवारले आफ्ना अभिभावक ८४ वर्ष पुगेको अवसरमा स्थानीय विद्यालयलाई रु. पाँच लाख सहयोग गरेका छन् ।
रत्नेचौरका भिमबहादुर र भिमकुमारी थापा मगरको ८४ पुजाको अवसरमा बिहिबार उक्त रकम विद्यालयमा हस्तान्तरण गरेका हुन् । थापा दम्पत्तीका छोरीहरु लक्ष्मी थापामगर, कमलकुमारी थापामगर, सुनिता थापामगर, सबिना थापामगर, हरिकुमारी थापामगर र सरिता थापामगरले रु. पाँच लाख हस्तान्तरण गर्नुभएको विद्यालयका प्रअ बिनोद थापाले बताउनुभयो ।
थापा दिदिबहिनीहरुले स्थापना गरेको भिमबहादुर÷भिमकुमारी अक्षयकोषको ब्याज विद्यालयको शैक्षिक तथा भौतिक विकासमा परिचालन गरिने भएको छ । बेनी नगरपालिका–१ का वडा अध्यक्ष टेकबहादुर थापा र रत्नेचौरका बासिन्दा समेत रहेका जिल्ला शिक्षा विकास तथा समन्वय इकाई बागलुङका प्रमुख दलबहादुर थापाको उपस्थितिमा रकम हस्तान्तरण गर्नुभएको थियो ।
