बेनी । म्याग्दीको धवलागिरी गाउँपालिका– १ गुर्जाखानी केन्द्रबिन्दु भएर मंगलवार दिउँसो गएको भुकम्पको ढक्काले स्वास्थ्य चौकीको भवन चर्कीएको छ ।
दिउँसो करिब १ बजेर २ मिनेट जाँदा गुर्जाखानी केन्द्रविन्दु भएर ४.५ म्याग्निच्युडको भूकम्प गएको राष्ट्रिय भूकम्प मापन केन्द्रले जनाएको छ । भूकम्पको धक्का म्याग्दीका साथै बागलुङ र पर्वतमा समेत महसुस भएको थियो ।
भूकम्पको कारण गुर्जा स्वास्थ्य चौकीको भवन चर्किएको हो । एक्कासी जमिन नै हल्लीने गरी भूकम्पको धक्का महसुस भएको र अन्य मानविय र भौतिक क्षति नभएको गुर्जाका स्थानीय गुनराम छन्त्यालले जानकारी दिनुभयो । भूकम्प गएपछि पश्चिम म्याग्दीका स्थानीयहरु घर बाहिर निस्कीएका थिए ।
