लामाखेत, पर्वतको जलजला गाउँपालिकामा बिहिबार उद्यम नवप्रर्वद्धन शिविर सम्पन्न भएको छ ।
गण्डकी प्रदेश सरकारको उद्योग तथा पर्यटन मन्त्रालय, जलजला गाउँपालिका र दायित्व संस्थाको सहकार्यमा सञ्चालित वृद्धिमुखी उद्यमशीलता र रोजगारी प्रवद्र्धन कार्यक्रम अन्तर्गत दुई दिने शिविर आयोजना गरिएको हो ।
व्यवसायिक योजनाका आधारमा उत्कृष्ट २० मा परेका उद्यमीहरुलाई ब्यवसायमा नयाँ ज्ञान, सिप र शैली तथा प्रबिधीको प्रयोग गर्ने सिप सिकाउने उद्देश्यले शिविर आयोजना गरिएको दायित्व संस्थाका गण्डकी प्रदेश कार्यक्रम संयोजक जुनतारा बुढामगरले जानकारी दिनुभयो ।
प्रशिक्षक लालप्रसाद अर्यालले शिविरको सहजिकरण गर्नुभएको थियो । समापन कार्यक्रममा सहभागी कमला बानिया थापा र समबहादुर तिलिजाले प्रतिस्पर्धामा व्यवसाय टिकाउन र सफलता हाँसिल गर्ने सैद्धान्तिक सिपलाई ब्यवहारमा प्रयोग गर्ने बताउनुभयो ।
जलजलाका नौ वटै वडाबाट १५४ जना उद्यमीहरुले आवेदन दिएकोमध्ये उद्यमीको उदेश्य, सोच, वित्तिय अवस्था, नवप्रवद्र्धन, उद्यमको वर्तमान अवस्था लगायतको सूचकका आधारमा पहिलो चरणमा चालिस जना उद्यमी छनौट भएका थिए ।
छनौट भएका उद्यमीहरुलाई तालिम दिएर व्यावसायिक योजना तयार गर्न लगाएर दोस्रो चरणमा २० जना उत्कृष्ट उद्यमी छनौट गरी मंगलबार सम्मान गरिएको थियो । उक्त अवसरमा उद्यमीहरुलाई न्युनतम रु ५० हजार बराबरको प्रविधि खरिदका लागि जनही नगद रु २५ हजार नगद सहयोग समेत प्रदान गरिएको छ ।
छनौट भएका उद्यमीहरुलाई भोटिङ मार्फत २५ प्रतिशत र ७५ प्रतिशत उद्यमको अवस्थाबारे स्थलगत अनुगमन गरेर एक महिनाभित्र उत्कृष्ट १० उद्यमी घोषणा गरिने कार्यक्रमका फिल्ड अफिसर भगवती पुनले जानकारी दिनुभयो ।
उत्कृष्ट १० मा छनौट हुने उद्यमीलाई उद्यम प्रवद्र्धनका लागि ५० प्रतिशत साझेदारी रहने गरी जनही नगद रु एक लाख ५० हजारका दरले पुरक अनुदान दिइने जनाइएको छ । त्यसैगरी पालिकाभरबाट सर्वोकृष्ट हुने एक जना उद्यमीहलाई उद्यमशीलता विस्तारका लागि थप रु एक लाख ५० हजारको दरले पुरक अनुदान उपलब्ध गराउने व्यवस्था गरिएको छ ।
जलजलामा प्रदेश सरकारको रु ४० लाख, पालिकाको रु २० लाख र र दायित्व संस्थाको रु १५ लाख बजेटबाट सञ्चालित यस कार्यक्रमले पालिकामा उद्यम प्रवद्र्धन र रोजगारी सिर्जनामा टेवा पु¥याउने अपेक्षा गरिएको छ ।
गण्डकी प्रदेश सरकारको उद्योग तथा पर्यटन मन्त्रालय र दायित्व संस्था तथा सम्बन्धीत पालिकाको सहकार्यमा जलजला संगै बागलुङको बडीगाड गाउँपालिका, गोरखाको सिरानचोक गाउँपालिका, तनहुको म्याग्दे गाउँपालिका, नवलपुरको हुक्सेकोट गाउँपालिकामा वृद्धिमुखी उद्यमशीलता र रोजगारी प्रवद्र्धन कार्यक्रम लागू गरिएको छ ।
