निरज थकाली
जोमसोम, । हिमालपारीको जिल्ला मुस्ताङमा विभिन्न प्रजातिका सर्पहरु देखिन थालेका छन् ।
गर्मी हावापानी र मौसम हुने तराईमा पाइने सर्पहरु चिसो हावापानी र मौसम हुने हिमाली भूगोलको मुस्ताङमा कसरी आइपुगे भन्ने अध्ययनको विषय बनेको छ । अन्नपूर्ण संरक्षण क्षेत्र आयोजना (एक्याप)मा पर्ने मुस्ताङमा यसअघि सर्प देखिएका थिएनन् ।
मुस्ताङमा जोमसोम नजिकैको स्याङखोला कटेर सर्प त्यसमाथी नजाने स्थानीयको भनाई छ । पछिल्लो पटक घरपझोङ गाउँपालिका ५ ढुम्बा ताल परिसरमा मंगलबार सर्प देखिएको भिडियो सार्वजनिक भएको छ ।
भारतीय पर्यटकहरुले ढुम्बा तालमा फोटो खिच्ने क्रममा देखिएको सर्पको तस्विर सम्लेका स्थानीय रुपा गुरुङले खिच्नु भएको थियो । यसअघि गत वर्ष वारागुङ मुक्तिक्षेत्र गाउँपालिका–४ पाक्लिङमा पनि सर्प भेटिएको थियो ।
पाक्लीङ र ढुम्बा ताल समुन्द्रि सतहदेखि दुई हजार आठ सय मिटर उचाईमा छन् । सर्प संरक्षण समाज नेपालका सर्प विशेषज्ञ ऋषि बरालले मुस्ताङमा सर्प देखिन थालेको विषय अनौठो भएको बताउदै अध्ययन र अनुसन्धान गर्नुपर्ने बताउनुभयो ।
। बरालका अनुसार कागबेनीमा भेटिएको चिचिण्डे सर्प (कमन वल्फ स्नेक) र ढुम्बा तालको चुडेउ (कमन केट स्नेक) जातका सर्प हुन् । कुछपतेरङ्गा गुम्बाका लामाहरुका अनुसार ढुम्वातालको नाग थानमै सर्प देखिनुको कारण धार्मिक महत्वका हिसाबले पनि हेरिएको छ ।
८३ वर्षीय रत्नबहादुर थकालीले ढुम्वातालको नाग थानमा सर्प देखिने मानिसहरुबाट सुनेको र गुम्बाका अग्रज लामा शुकु थकालीले पहिले पनि उक्त स्थानमा सर्प देखिएको बताउनुभयो ।
