बेनी, । म्याग्दीमा शनिबार फोटोग्राफर संघ गठन भएको छ । बेनी नगरपालिका–४ सिंगा तातोपानीमा भएको फोटोग्राफर ब्यवसायिहरुको भेलाले भोजबहादुर रिजालको अध्यक्षतामा संघको जिल्ला कार्यसमिति गठन भएको हो ।
संघको उपाध्यक्षमा गौरीशंकर चौधरी, सचिवमा किरण कार्की, कोषाध्यक्षमा कृष्णराज रहनुभएको छ । सदस्यहरुमा गणेश गुरुङ (सुरेन), शालिग्राम गौतम, मनोज राना, चिरञ्जिवी शर्मा, खड्क छन्त्याल, प्रवेश पौडेल र मौनता श्रेष्ठ चयन हुनुभएको छ ।
फोटो ब्यवसायको विकास, समस्या परेका ब्यवसायीलाई सघाउने, व्यवसायीहरुको क्षमता विकास, पेशालाई सम्मानित, मर्यादित, व्यवस्थित, हक हितका लागि संगठित भएका हुन् । फोटोग्राफर संघ गण्डकी प्रदेशका अध्यक्ष नारायण बहादुर केसी, प्रथम उपाध्यक्ष बलभद्र श्रेष्ठ, दृतीय उपाध्यक्ष जिवन ढुंगाना, तृतीय उपाध्यक्ष घनश्याम पौडेल, महासचिव प्रेमप्रसाद पराजुली लगायतको उपस्थितिमा भेला भएको थियो ।
