
बेनी । म्याग्दी जेसिजको आयोजनामा बिहिबार बेनीमा फागु पूर्णिमा पर्वको अवसरमा सांस्कृतिक कार्यक्रम भएको छ ।
कार्यक्रममा कलाकार बसन्त थापा, सम्बोज मल्ल, चन्द्र पुन र बिजुन खत्रीले गित प्रस्तुत गर्नुभएको थियो । बेनीको खुल्ला मञ्चमा भएको कार्यक्रममा कलाकारहरुको गितमा बेनीबासीले नाचेर मनोरञ्जन लिएका थिए ।

सोही अवसरमा म्याग्देली कलाकार सम्बोज मल्ल र चन्द्र पुनलाई सम्मान गरिएको म्याग्दी जेसिजका शाखा अध्यक्ष बिनोद जिसीले बताउनुभयो । फागु पुर्णिमा विशेष कार्यक्रमका लागि जेसिजले दिनेश विश्वकर्माको संयोजकत्वमा समिति बनाएर तयारी गरेको थियो ।

नेपाल जेसिजका उपाध्यक्ष सन्दिप खत्री, पुर्व अध्यक्ष धनञ्जयकुमार श्रेष्ठ लगायत म्याग्दी जेसिजका पदाधीकारी र पुर्व अध्यक्षहरुको आतिथ्यतामा कार्यक्रम भएको थियो । म्याग्दीमा धेरै सांस्कृतिक कार्यक्रम रातको समयमा हुने गरेको अवस्थामा जेसिजको कार्यक्रम दिउँसो १ बजे शुरु भएर साँझ ६ः३० मा समापन गरिएको थियो ।

