बेनी, म्याग्दीको बेनी नगरपालिका–२ सानालेक र गौस्वारामा आइतबार परेको असिनाले भित्र्याउने बेला भएको धान र कोदोबाली नष्ट गरेको छ ।
पाकेर भित्र्याउने तयारी गरेको धान र कोदो नष्ट भएपछि कृषकहरु निराश भएका छन् । बेनी नगरपालिका–२ का पुर्व वडा अध्यक्ष हिराबहादुर थापाले असिनाले बोटबाट ८० प्रतिशत दाना झारेको बताउनुभयो ।
“बर्खाभरी दुख गरेर उब्जाएको बाली भित्र्याउने बेलामा असिनाले खायो,” उहाँले भन्नुभयो “किसानहरु निराश भएका छन् ।” आइतबार अपराहन्न म्याग्दीको सदरमुकाम बेनी र आसपासका क्षेत्रमा बर्षा भएको थियो । बर्र्षासँगैको हावाहुरीले पनि धान र कोदोमा क्षति गरेको कृषकहरुले बताएका छन् ।
