बेनी । गीतकार इन्द्रधारा बिष्टको नयाँ गीत “आमा तिम्रो”ले चर्चा पाएको छ ।
नेपालीको महान पर्व बडा दशैंको अवसर पारी घटस्थापनाका दिन सार्वजनिक भएको गितको म्युजिक भिडियोले आइतबारसम्म छ दशमलब तीन के भ्युज पाएको छ ।
गीतमा विश्व डोङको स्वर र संगीत रहेको छ । सुभाष राई र निरा थापा मगरको अभिनय रहेको गीतको म्युजिक भिडियोलाई एस टु प्रोडक्सनका सुरज श्रेष्ठले निर्देशन गर्नुभयो । गीत निरा थापा मगरकोको अफिसियल युटुब मार्फत सार्वजनिक गरिएको हो ।
पछिल्लो समय बिष्ट सिर्जनामा लाग्नुभएको छ । उहाँले सिर्जना गरेका गीतले भेगीय मौलिकतालाई समेत समेटेको छ । आमा प्रति सम्मान गर्दै गीत निर्माण गरिएको बिष्टले बताउनुभयो । गण्डकी प्रदेशका पूर्व सांसद समेत रहेका बिष्टले आमाको सम्झनालाई आत्मसात् गर्दै गीत लेखेको सुनाउनुभयो ।
उसो त बिष्टले एक वर्ष अघि सार्वजनिक गरेको गीत “मुस्ताङे नानी” लाई निकै रुचाइएको थियो । युटुबमा उक्त गीतलाई हेर्नेको संख्या १७ लाख माथी छ । मुस्ताङे नानी जस्तै आफ्नो नयाँ सिर्जनालाई समेत दर्शकले मन पराउनेमा उहाँ आशावादी हुनुहुन्छ ।
मुस्ताङ जिल्लाको लोमान्थाङ र कोरला नाकाको वरिपरि छायाँकन गरिएको भएर पनि होला म्युजिक भिडियो उत्कृष्ट बनेको छ । उक्त गीतले लोमान्थाङको पर्यटन प्रवद्र्धनमा समेत टेवा पुग्ने विश्वास बिष्टको छ । अपर मुस्ताङको रहनसहन र सामाजिक अवस्थालाई समेत गीत मार्फत दर्शाउन खोजिएको छ ।
https://www.youtube.com/watch?v=_pmjLYpCXGA
