बेनी, । बेनीमा बुधबारदेखि प्रथम म्याग्दी कप फुटबल प्रतियोगिता शुरु भएको छ ।
जिल्ला फुटबल संघ म्याग्दीले आयोजना गरेको प्रतियोगितामा १२ समूहले सहभागिता जनाएका छन् । बेनीको खुल्ला मञ्च खेलमैदानमा शुरु भएको प्रतियोगिताको मंगलबार बेनी नगरपालिकाका प्रमुख सुरत केसीले उद्घाटन गर्नुभएको थियो ।
उद्घाटन खेलमा जनप्रिय भूतपुर्व विद्यार्थी क्लव दरवाङले एभरग्रिन युवा क्लव बेनीलाई पेनाल्टि सुटआउटमा चारका विरुद्ध पाँच गोलले पराजित गरेको थियो । दोस्रो खेलमा कालीपुल युनाइटेड कालोले जनचेतना युवा क्लव सिंगालाई पराजित गरेको थियो ।
प्रतियोगितामा बिजेता र उपबिजेतालाई ट्रफी, मेडल र प्रमाणपत्र सहित नगद रु. ७० हजार र ४० हजार प्रदान गरिने जिल्ला फुटबल संघका अध्यक्ष कुमार बानियाले बताउनुभयो ।
अनशासित टिमलाई रु. सात हजार, उत्कृष्ट खेलाडीलाई रु. दुई हजार पाँच सय, उत्कृष्ट डिफेण्डर, मिडफिल्डर, स्ट्राइकर, कोच, सर्वाधिक गोलकर्ता र राइजिङ प्लेयरलाई रु. एक हजार पाँच सयका दरले पुरस्कृत गरिने अध्यक्ष बानियाले बताउनुभयो । प्रतियोगिता असोज ५ गतेसम्म सञ्चालन हुनेछ् ।
