बेनी, । सानीमा रिलायन्स लाईफ इन्स्योरेन्स कम्पनीले बुधबार म्याग्दीमा बिमितका परिवारलाई मृत्यु दावी रकम हस्तान्तरण गरेको हो ।
बेनी नगरपालिका १० का स्वर्गीय छबिलाल पुन (बिमित)का श्रीमति डालमाया पुनलाई मृत्यु दावी रकम हस्तान्तरण गरिएको हो । रु. ५ लाख बराबरको बिमा गर्नुभएका छवीलालले ५ पटकसम्म वार्षिक रु. ३५ हजार ४५ का दरले रु. १ लाख ७५ हजार २२५ प्रिमियम शूल्क तिर्नुभएको थियो ।
रु. ५ लाखको बिमा गर्नुभएका छवीलालका परिवारलाई रु. १० लाख ८७ हजार ८३ उपलब्ध गराइएको सानीमा रिलायन्स लाइफ इन्सोरेन्स बेनीका शाखा प्रमुख मुक्ति पौडेलले बताउनुभयो । बिमित छवीलालको गत जेठ २५ गते निधन भएको थियो ।
बेनी नगरपालिका–६ का वडा अध्यक्ष कृष्णसिंह बानिया, सानीमा रिलायन्स लाईफ इन्स्योरेन्सका क्षेत्र प्रबन्धक बलराम कडेल, शाखा प्रबन्धक पौडेल, सिनियर एजेन्सी आस्था गुरुङ लगायतको उपस्थितिमा दावी रकम हस्तान्तरण गरिएको थियो ।
वडा अध्यक्ष बानिया र क्षेत्र प्रबन्धक कडेलले भौतिक रुपमा व्यक्ति फिर्ता ल्याउन नसकेपनि आर्थिक रुपमा राहत हुने भएकाले सकेसम्म सबैले बिमा गरेमा आश्रित परिवारका सदस्यहरुलाई सहज हुने बताउनुभयो ।
