बेनी, । म्याग्दीको अन्नपूर्ण गाउँपालिकाको विद्यालय व्यवस्थापन समितिका पदाधीकारीहरुलाई क्षमता विकास तालिम शुक्रबारदेखि पोखरेबगरमा शुरु भएको छ ।
गाउँपालिकाको शिक्षा, युवा तथा खेलकुद शाखाको आयोजनामा शुरु भएको तालिमको अन्नपूर्ण गाउँपाकिलाका अध्यक्ष भारतकुमार पुनले उद्घाटन गर्नुभयो ।
कार्यक्रममा गाउँपालिकाका उपाध्यक्ष दिवा तिलिजा पुन र प्रमुख प्रशासकीय अधिकृत अमृत सुवेदी पनि सहभागि हुनुभएको थियो । विद्यालय व्यवस्थापन समितिका पदाधीकारीहरुको क्षमता विकासका लागि दुई दिने तालिम सञ्चालन गरिएको शिक्षा अधिकृत गणेश कटुवालले बताउनुभयो ।
