बेनी, बेनीमा आज साँझ धारिलो हतियार प्रहार गरेर एक जना युवाको हत्या भएको छ ।
बेनी नगरपालिका–८ पिपलचोक बस्ने रघुगंगा गाँउपालिका–१ बेगका २२ वर्षीय शुशिल गर्बुजाको हत्या भएको जिल्ला प्रहरी कार्यालय म्याग्दीका प्रहरी नायव उपरीक्षक मदन कुँवरले बताउनुभयो ।
उहाँका अनुसार बेनीको न्युरोडमा युवाहरुको समुहले धारिलो हतियार प्रहार गरेर सख्त घाइते बनाएका गर्बुजालाई उपचारका क्रममा बेनी अस्पतालमा लैजादा चिकित्सकले मृत घोषणा गरेका थिए ।
मृतकको टाउको र छातीमा चोट लागेको छ । थप दुई जना घाइतेको बेनी अस्पतालमा उपचार भइरहेको छ । उनिहरुको पहिचान खुलेको छैन् । तीन जनालाई आठ दश जनाको समूहले चक्कु लगायत हतियार प्रहार गरेको स्थानीयबासीले बताएका छन् ।
घाइतेको उपचार, घटनामा संलग्नको पहिचान, खोजी र अनुसन्धान कार्य एकै साथ भइरहेको र बिस्तृत विवरण आउन बाँकी रहेको प्रहरी निरीक्षक कुमार गरुङले बताउनुभयो ।
बेनी अस्पताल परिसरमा मृतक र घाइतेका आफन्तको भिड लागेको छ । घटनामा संलग्नको खोजीमा प्रहरी परिचालन भएका छन् ।
