बेनी, । बेनीमा योगी विकाशानन्द र रेकी मास्टर कमलेश्वरीको उपस्थितिमा प्रवचन तथा योग प्रशिक्षण कार्यक्रम सम्पन्न भएको छ ।
नविन आनन्द योग केन्द्र नेपालको आयोजनामा मंसिर १५ गते शुुक्रबार बेनीको जिल्ला समन्वय समितिको सभाहलमा कार्यक्रम गरिएको हो । कार्यक्रममा योगी विकाशानन्दले योग र ध्यान मार्फत खुसी र आनन्द सम्भव रहने बताउनुुभयो ।
कार्यक्रममा हिप्नोसिस, इनर्जी परिक्षण लगायतका डेमो प्रस्तुत गरिएको थियो । संस्थाका अध्यक्ष सुरेन्द्रराज शर्माको अध्यक्षता, योग प्रशिक्षक तथा सदस्य दिपेन्द्र घमालको स्वागत, सन्दिप खत्रीको सञ्चालनमा कार्यक्रम सम्पन्न भएको थियो ।
कार्यक्रममा म्याग्दी जिल्लाका विभिन्न स्थानहरुबाट मानिसहरुको सहभागीता रहेको थियो । सदस्य दिपेन्द्र घमालले बेनीबजारमा नियमित योग साधनाको लागि हल निर्माणको अभियान जारी रहेको जानकारी गराउँदै सबैलाई आवश्यक सहयोग र हातेमालोको लागि अनुरोध गर्नु भयो ।
हाल बेनीबजार सहित म्याग्दीका विभिन्न स्थानहरुमा शाखा विस्तार गरी नियमित रुपमा योग साधना सञ्चालन भईरहेको समेत जानकारी गराउनु भयो । कार्यक्रममा सहभागीहरुलाई हरिप्रसाद पौडेलले धन्यवाद दिनुुभएको थियो ।
