बेनी, । बेनी नगरपालिका–६ मा रहेको जामुनाखर्क माविका शिक्षक गणेश केसीले म्याग्दी बालगृहका बालबालिकाहरुसँग बिहिबार जन्मदिन मनाउनु भएको छ ।
मंगला गाउँपालिकाको बरंजा घर भएका केसीले जन्मदिनसँगै दशैको पनि अवसर पारेर बालबालिकाहरुलाई टिका, जमरा लगाएर आर्शिवाद दिनुभयो । बालगृहका आया सावित्री थापालाई नगद रु. दुई हजार ५६० र फलफुल हस्तान्तरण गर्नुभयो ।
हाल १२ जना बालबालिका आश्रित बालगृहमा केसीले करिब तीन वर्ष शिक्षक र होस्टेल ईञ्चार्जको रुपमा काम गर्नुभएको थियो । फजुल खर्च कटाएर अनाथ नानिबाबुहरुसँग खुसी साट्न पाउँदा खुसी व्यक्त गर्नुभयो । केसी बरंजा भूपु विद्यार्थी क्लव लगायत विभिन्न संघ संस्थामा आवद्ध हुनुहुन्छ ।
