बेनी, । पर्वतको जलजला गाउँपालिका–१ बासखर्कमा जुवातास खेल्ने र खेलाउनेलाई जरिवाना तिराइने भएको छ ।
बाँसखर्कको वडा कार्यालयको मंगलबार बसेको बैठकले जुवातास, मदिरा र लागुपदार्थ नियन्त्रण अभियान चलाउने निर्णय गरेको हो । वडा अध्यक्ष जकबहादुर रोकाले तुवातास खेलाउनेलाई रु. पचास हजार र खेल्नेलाई रु. पाँच हजार जरिवाना गरिने जानकारी दिनुभयो ।
बिहान ८ देखि साँझ ५ बजेसम्म मदिरा सेवन गर्न नपाउने पनि नियम बनाइएको छ । जुवातास, मदिरा र लागुपदार्थको कारण घरेलु हिंसा, झैझगडा बढाएको र आर्थिक हानी गरेको जनप्रतिनिधिहरुले निष्कर्ष निकालेका छन् ।
“जुवातास, मदिरा र लागुपदार्थका कारण हाम्रो वडामा सामाजिक सद्भाव बिग्रिन थालेको महशुस गरेका छौ,” उहाँले भन्नुभयो “लागुपदार्थ विरुद्ध पनि निगरानी बढाउनुका साथै सचेतनामुलक अभियान चलाएका छौ ।”
