बेनी, । राष्ट्रिय संगीतकर्मी संघ, म्याग्दीले हरितालिका तिज पर्वको अवसरमा खुल्ला तिज गित प्रतियोगिता आयोजना गरेको छ ।
भदौ २९ गते महिला अधिकार, बाल विवाह न्युनीकरण तथा समसामयिक विषयमा आधारित तिज गित प्रतियोगिता आयोजना गरिएको संघले बुधबार बेनीमा आयोजना गरेको पत्रकार सम्मेलनमा जानकारी गराइएको छ ।
संघका अध्यक्ष गोकुल विश्वकर्माले प्रतियोगितामा प्रथम, दृतीय, तृतीय र सान्तवना हुनेलाई क्रमश ः रु. २२ हजार २२२, १५ हजार ५५५, सात हजार ७७७ र तीन हजार ३३३ पुरस्कार प्रदान गरिने जानकारी दिनुभयो । पुरस्कारको साथमा ट्रफी र प्रमाणपत्र पनि प्रदान गरिने भएको छ ।
जिल्ला समन्वय समितिको सभाहलमा प्रतिस्पर्धा हुने प्रतियोगितामा सहभागि हुन चाहनेले २०८० साउन २० गते देखि भदौ २८ गतेसम्म नाम दर्ता गर्न सक्ने संघका महासचिव गोकुल सुनारले बताउनुभयो । प्रतियोगिता सञ्चालन गर्न रु. दुई लाख पचास हजार खर्च हुने अनुमान गरिएको छ ।
संघले यसअघिका वर्षमा पनि तिज पर्वको अवसरमा सांस्कृतिक कार्यक्रम आयोजना गर्दै आएको थियो ।
