बेनी, म्याग्दीको बेनी नगरपालिका–२ खबराका एक युवालाई प्रहरीले लागु औषध गाँजा सहित पक्राउ गरेको छ ।
असार २७ गते दिउँसो पक्राउ परेका बेनी नगरपालिका–२ का २२ वर्षीय सौरभ परियारलाई असार २८ गते म्याग्दी जिल्ला अदालतबाट ५ दिनको म्याद थप गरेर अनुसन्धानका लागि हिरासतमा राखिएको छ ।
प्रहरी निरीक्षक किरण लामाले शंकास्पद अवस्थामा हिडिरहेका परियारलाई गस्तीमा खटिएको प्रहरी टोलीले खानतलासी गर्दा निजले बोकोको झोलाभित्र लुकाएर राखेको एक किलो २० ग्राम गाजा भेटिएको बताउनुभयो ।
