बेनी । म्याग्दीको मंगला गाउँपालिका–४ धापुङमा बुधबार सेवा टेवा सहितको तरकारी खेती सम्बन्धी तालिम सम्पन्न भएको छ ।
कृषि ज्ञान केन्द्रको आयोजनामा सञ्चालित १ दिने तालिममा २१ जनाको सहभागिता रहेको थियो । कृषकहरुलाई स्थलगत र व्यवहारिक रुपमा तरकारी खेती सम्बन्धी प्राविधिक ज्ञानसिप प्रदान गर्ने उद्देश्यले तालिम आयोजना गरिएको हो ।
तालिममा मौसमी र बेमौसमी तरकारी खेती, नर्सरी व्यवस्थापन, रोग किरा व्यवस्थापन, प्रयोगात्मक सिड टे«मा नर्सरी सम्बन्धी कक्षा सञ्चालन भएको थियो । केन्द्रका प्राविधिक सहायक श्याम सरन कुर्मीले तालिमको सहजिकरण गर्नुभएको थियो ।
सहभागीहरुलाई काँक्रो, चिप्ले भिन्डी, तितेकरेला, जुकेनी फर्सी, बोडी, सिमि, रायो सागको विउ, हजारी, सिड ट्रे, स्प्रेयर, एल्लो स्ट्रीक, कोको पिट लगायतका कृषि सामग्री निशूल्क वितरण गरिएको थियो ।
