बेनी । गायक किरण पुनको ‘हिमाली गाउँ’ गितको म्युजिक भिडियो विमोचन गरिएको छ । उक्त गितको भिडिओ सोमबार ४१ औं मगर संघ स्थापना दिवसको अवरसरमा प्रतिनिधि सभा सदस्य सांसद खमबहादुर गर्बुजा ‘खम्बिर’ले विमोचन गर्नुभएकोे हो ।
माया प्रेममा आधारित गितको म्युजिक भिडिओ गायक पुनको युट्युव च्यानेल मार्फत सोमबार सार्वजनिक गरिएको छ । गितमा गायक पुनको शब्द÷संगित ,नवगायक नारायण पुन र अनु चौधरीको स्वर रहेको छ ।
भिडियोको म्युजिक एरेन्ज रमेश सेन्च्युरीले गर्नुभएको छ । मिस मगर्नी मिलन थापा, शिशिर राम्जाली र पुर्ण घर्तीको अभिनय रहेको उक्त म्युजिक भिडिओको छायाँकन मुस्ताङका विभिन्न ठाउँमा गरिएको हो । गितका बारेमा बोल्दै पुनले माया प्रेममा आधारित गित भावुक र रोमान्तिक भएको बताउनुभयो ।
