बेनी, । प्रथम सहिद लखन थापाको १४६ औ स्मृति दिवसको अवसरमा नेपाल मगर विद्यार्थी संघ म्याग्दीको आयोजनामा मंगलबार बेनीमा दिप प्रज्वलन गरिएको छ ।
संघका अध्यक्ष लोकेश पुनमगरको नेतृत्वमा सहिद थापाको तस्वीरमा माल्याअर्पण र दिपप्रज्वल गर्नुभएको थियो । विरेन्द्रचोकमा गरिएको दिप प्रज्वलनमा मगर संघ म्याग्दीका उपाध्यक्ष खम थापामगर, सहसचिव रमेस फगामी र कोषाध्यक्ष विष्णु रोकामगर र मगर विद्यार्थी संघका अध्यक्ष दर्पण रोका मगर लगायतको उपस्थित रहेको थियो ।
अध्यक्ष मगरले प्रथम सहिदको सम्मान सरकारले गर्न नसकेको बताउनु भयो । उहाँले मगर संघले प्रत्येक बर्ष फागुन २ गते स्मृति दिवस मनाउदै आएको जानकारी गराउदै प्रथम सहिद लखन थापा मगरको स्मृति खोज अनुसन्धान गर्ने प्रतिष्ठान बनाउन सरकारले बजेट विनियोजन गर्न आग्रह गर्नुभयो ।
“सहिद थापामगरको तस्वीर सहिदहरुको सूचिमा पहिलो स्थान राखिनुपर्ने, हरेक सरकारी कार्यालयमा सहिद थापाको तस्विर राख्नुपर्ने र फागुन २ गतेलाई हरेक बर्ष सार्वजनिक विदा दिनुपर्ने मगर संघको माग रहेको छ,” उहाँले भन्नुभयो ।
