बेनी । म्याग्दीका खेलाडीहरु सहभागी बास्केटबल खेलमा गण्डकी प्रदेशको टीमले नवौ राष्ट्रिय खेलकुद प्रतियोगितामा पदक दिलाएको छ ।
म्याग्दीका खेलाडी सहभागी थ्रिवानथ्रि वास्केटबलमा टोलीले स्वर्ण, पुरुष बास्केटबलमा रजत र महिला बास्केटबलमा कास्य पदक दिलाएका हुन् । जिल्ला खेलकुद विकास समितिका उपाध्यक्ष विसन रानाका अनुसार थ्रिवान थ्रि बास्केटबलमा म्याग्दीका खेमराज पुन र पुस्कल छन्त्याल सहभागी हुनुभएको थियो ।
रजत पदक जितेको गण्डकी प्रदेशको पुरुष बास्केटबल टिममा म्याग्दीका गिमेन पुन, सुदिप कार्की र खुम पुन सहभागी हुनुभएको थियो । कास्य पदक जितेको महिला बास्केटबलको गण्डकीको टोलीमा म्याग्दीका सिमा पुन, लिसिम पुन, इशा पुन, कबिता पुन, रति गुरुंग र साविया पुन सहभागी हुनुभएको थियो ।
