बेनी, । आगामी मंसिर ४ गते हुने प्रतिनिधी र प्रदेशसभा सदस्य निर्वाचनका लागि म्याग्दीमा नेकपा एमालेका उमेद्वारले मनोनयन दर्ता गरेका छन् ।
(एमाले)ले म्याग्दीको प्रतिनिधिसभामा हरिकृष्ण श्रेष्ठ, प्रदेशसभा (क) मा देवेन्द्रबहादुर कटुवाल र प्रदेशसभा (ख) मा याम गर्वुजाको मनोनयन दर्ता गराएका छन् ।
प्रतिनिधिसभामा एमाले म्याग्दीले पूर्व जिल्ला अध्यक्ष समेत रहनुभएका श्रेष्ठको एकल नाम सिफारिस गरेको थियो । श्रेष्ठ एमाले गण्डकी प्रदेश कमिटीका सचिवालय सदस्य समेत हुनुहुन्छ ।
प्रदेश सभा (क) मा प्रत्यक्षतर्फको उम्मेदवारका लागि एमालेका जिल्ला अध्यक्ष देवेन्द्रबहादुर कटुवाल, उपाध्यक्ष बालकृष्ण सुवेदी, नेताहरु सन्तोष रावल, लोक भण्डारी, नारायण जिसी, हेमकुमारी पुन, शिवकुमार बरुवाल र प्रकाश पौडेललाई सिफारिस थियो । सिफारिस भएकामध्ये जिल्ला अध्यक्ष कटुवाललाई पार्टीले टिकट दिने निर्णय गरेको हो ।
त्यसैगरि प्रदेशसभा क्षेत्र (ख) को प्रत्यक्ष तर्फ प्रदेश कमिटी सदस्य रामचन्द्र गौतम, नेता यामबहादुर गर्बुजा, धनबहादुर गुरुङ, पदमलाल सापकोटा र यसोदा रोकालाई सिफारिस गरिएको थियो । सिफारिस भएकामध्ये यामबहादुर गर्वुजालाई पार्टीले टिकट दिने निर्णय गरेको छ ।
सत्तागठबन्धनले सिट बाँडफाटका क्रममा म्याग्दीमा प्रतिनिधीसभामा काँग्रेस र प्रदेशका दुवै क्षेत्र माओवादीले लिने सहमति गरेका छन् । काँग्रेसबाट खम्बिर गर्बुजा, माओवादीबाट प्रदेश कमा हरि भण्डारी र खमा रेशम जुग्जाली उमेद्वार चयन हुनुभएको छ ।
गठबन्धनको सिटबाँडफाँडका क्रममा म्याग्दीमा प्रतिनिधीसभाका लागि काँग्रेस र माओवादीले प्रदेशसभामा माओवादीले दावी गरेका थिए । लोसपा गठबन्धनबाट बाहिरिदाँ म्याग्दी माओवादीको भागमा पर्नु गठबन्धनका लागि अप्रत्यासित बनेको छ ।
