बेनी । नेपाल मगर संघ म्याग्दी र मगर विदार्थी संघको शनिबार नयाँ कार्यसमिति चयन भएको छ ।
मगर संघको बेनीमा सम्पन्न आठौ जिल्ला अधिवेशनबाट लोकबहादुर पुन (लोकेश)को अध्यक्षतामा नयाँ कार्यसमिति चयन भएको छ । उपाध्यक्षमा खम थापा, सचिव हिराबहादुर पुन, कोषाध्यक्ष विष्णुकुमारी रोका र सह–सचिवमा रमेश फगामी चयन हुनुभएको छ ।
सदस्यहरूमा हिराबहादुर पुन, तिलक पुन, अंकित पुन, मिलन रोका, टकसरा राना, रामदेवी पुन, निरज शेरपुञ्जा, एकजित रोका, देव राना, लालमायाँ पुर्जा, धनबहादुर रोका, राजेन्द्र जुग्जाली, बिजय घर्ती चयन हुनुभएको छ ।
यसैगरी नेपाल मगर विद्यार्थी संघको नवौ अधिवेशनबाट दलबहादुर रोकाको अध्यक्षतामा चयन भएको कार्यसमितिको उपाध्यक्षमा भरत अर्मजा, सचिवमा ज्योति पुन, सहसचिवमा रविना पुन, कोषाध्यक्षमा लक्ष्मी पुन चयन भएको छ ।
लिला पूर्जा, दिवाना पूर्जा, थबहादुर पुन, मनु थापा मगर, समिता थापा मगर, जिना पुन मगर, मेघना गर्बुजा, एन्जल पुन, रोशन फगामी, रेश्मीका रोका, सोनी घर्ती, सिन्धु पुन र रेखा पुन सदस्यमा चयन हुनुभएको छ ।
सल्लाहकार मनप्रसाद थजालीको प्रमुख आतिथ्यतामा भएको अधिवेशनमा जनप्रतिनिधिहरुको तर्फबाट मंगला गाउँपालिका वडा नं १ का अध्यक्ष एकजित रोका, विद्यार्थीतर्फबाट दलबहादुर रोका, मगर भुपु सैनिक संघको तर्फबाट थमबहादुर गर्बुजाले मन्तब्य व्यक्त गर्नुभएको थियो । मगर संघले म्याग्दीमा बाहूल्य बसोबास रहेको मगर समुदायको मौलिक कला संस्कृतिको संरक्षणका साथै विभिन्न सामाजिक कार्य गर्दै आएको छ ।
