बेनी, नेकपा एकिकृत समाजवादी म्याग्दीले प्रतिनिधीसभाको प्रत्यक्षतर्फ केन्द्रिय सदस्य तथा म्याग्दी जिल्ला सहइञ्चार्ज गोविन्द सुवेदी, लेखा आयोगका केन्द्रिय सदस्य याम श्रेष्ठलाई सिफारिस गरेको छ । समानुपातिकतर्फ बद्रि पुन (दिलु तिलिजा), देउप्रसाद छन्त्याल र होमबहादुर बरुवालको नाम सिफारिस भएको छ ।
प्रदेशसभा क्षेत्र (क)को प्रत्यक्षतर्फ नेकपा एकिकृत समाजवादीका जिल्ला अध्यक्ष कृष्णकुमार विश्वकर्मा र उपाध्यक्ष हेमराज शर्मा, समानुपातिकतर्फ मुना बानिया, दुर्गा कार्की र डम्बर पुर्जा सिफारिस हुनुभएको छ । प्रदेशसभा क्षेत्र (ख)मा प्रत्यक्षतर्फ जयन्द्र केसी, अनुप गौचन, ममता जुग्जाली, समानुपातिकमा रुद्र किसान, बमबहादुर पाईजा र कल्पना सापकोटा सिफारिस हुनुभएको छ ।
बेनीमा शनिबार बसेको नेकपा एसको बैठकले सत्तासाझेदार पाँच दलीय गठबन्धनमा सिट बाडफाडका क्रममा म्याग्दीका प्रतिनिधीसभाको एक र प्रदेशसभाको दुई वटा मध्य एक वटा सिटमा उमेद्वारी दिने गरी दावी गर्न प्रदेश र केन्द्रिय कमिटिलाई आग्रह गर्ने निर्णय गरेको छ ।
