पोखरा, । पोखराको सभागृहचोकमा केन्द्रीय कार्यालय रहेको ग्रीन डेभलमपमेण्ट वैंक लिमिटेडको कायम मुकायम प्रमुख कार्यकारी अधिकृतमा हरि वहादुर वुढाथोकी नियुक्त हुनुभएको छ ।
वैंकका कर्जा तथा व्यवसाय प्रवद्र्धन विभाग प्रमुख वुढाथोकीलाई वैंकको संचालक समितिको २०७९ ज्येष्ठ ३१ गते वसेको १७६ औं वैठकले २०७९ आषाढ १ गते देखी लागुहुने गरि वैंकको कायम मुकायम प्रमुख कार्यकारी पदमा नियुक्त गरेको हो । विगत १६ वर्ष भन्दा वढि वैकिङ्ग क्षेत्रको अनुभव भएका वुढाथोकी वैंकको कर्जा तथा व्यवसाय प्रवद्र्धन विभाग प्रमुखको रुपमा कार्यरत हुनुहुन्थ्यो ।
चार वर्ष अगाडी वैंकको प्रमुख कार्यकारी अधिकृत नियुक्त हुनुभएका श्री उमेश कुमार आचार्यको २०७९ ज्येष्ठ ३१ गते कार्यकाल समाप्त भएकोले वुढाथोकीलाई कामय मुकायम प्रमुख कार्यकारी अधिकृत पदमा नियुक्त गरिएको हो । २० वर्षको वैंकिङ्ग अनुभवमा १५ वर्ष भन्दा वढि प्रमुख कार्यकारी अधिकृत रहनुभएका आचार्यलाई वैंकको उन्नती र प्रगतीमा पु¥याउनुभएको योगदानको कदर गर्दै धन्यवाद दिने र वहाँको उज्वल भविष्यको कामना गर्ने निर्णय समेत वैंक संचालक समितिले गरेको वैंकका सुचना अधिकारी सुशिल पौडेलले वताउनुभयो । आफ्नो चार वर्षे कार्यकाल पुरा गरी विदा हुनुभएका प्रमुख कार्यकारी अधिकृत उमेश कुमार आचार्यको सम्मानमा वैंकले विदाई कार्यक्रम आयोजना गरेको पौडेलले वताउनुभयो । वहाँको चारवर्षे कार्यकालमा वैंकले आफ्नो व्यवसायमा उल्लेख्य वृद्धी, डिजिटल वैंकिङ्गको गर्नुका साथै, कार्यक्षेत्र विस्तार गरेको साथै शाखा संजालमा व्यापक विस्तार गरेको थियो ।
व्यवस्थापन संकायमा स्नातकोत्तर गर्नुभएका वुढाथोकीको कर्जा व्यवस्थापनमा विषेश अनुभव रहेको छ । वुधवार आयोजित पदस्थापना कार्यक्रम मार्फत् कार्यभार सम्हाल्नुभएका वुढाथोकीले आम सर्वसाधारणहरुमा वैंकिङ्ग पहुच पु¥याउन ग्रीन डेभलपमेण्ट वैंकलाई विषेश नेतृत्व प्रदान गर्ने वताउनुभयो । ग्राहकवर्ग, शेयरधनी तथा नियमनकारी निकायहरुको चाहना तथा नीति, निर्देशन वमोजिम वैंकको सेवामा आमुल परिवर्तन ल्याउन विशेष भुमिका निर्वाह गर्ने वताउनुभयो । वैंकले हाल कास्की, वागलुङ, म्याग्दी, तनहूँ र नवलपुरमा रहेका १६ वटा शाखा कार्यालयहरुवाट विभिन्न किसीमका अत्याधुनिक वैंकिङ्ग सुविधा प्रदान गर्दै आईरहेको छ ।
