बेनी, । म्याग्दीको अन्नपूर्ण गाउँपालिका वडा नम्बर–५ शिखमा नेपाली काँग्रस र नेकपा माओवादी केन्द्रको गठवन्धनका उमेद्वार विजयी भएका छन् ।
सो वडामा नेपाली काँग्रेसले वडा अध्यक्ष सहित तीन सदस्य र माओवादीले एक सदस्य लिएर तालमेल गरी उमेद्वारी दर्ता गराएका थिए । वडा अध्यक्षमा नेपाली काँग्रेसका राजेश तिलिजाले ७०६ मत ल्याएर विजयी हुँदा एमालेका प्रत्यासी विसन रानाले ६११ म्त पाउनुभयो ।
वडा सदस्यमा काँग्रेसका रामबहादुर पुर्जा, इशा गर्वुजा, जुना खाती र माओवादी केन्द्रका पुर्णबहादुर पाइजा पुन निर्वाचित हुनुभएको छ । पाइजा अन्नपूर्ण गाउँपालिकामा निर्वाचित हुने माओवादी केन्द्रका एकमात्र प्रतिनिधी हुनुहुन्छ ।
एक हजार ३८० मत खसेको अन्नपूर्ण गाउँपालिका –५ शिख पाउद्धारबाट गाउँपालिका अध्यक्षमा एमालेका भारतकुमार पुनलाई ५९१, काँग्रेसका बलबहादुर तिलिजालाई ७२४, उपाध्यक्षमा एमालेकी दिवा तिलिजा पुनलाई ७०४ र काँग्रेसकी ललिता तिलिजालाई ६३४ मत प्राप्त भएको छ ।
५ वटा वडाको मतगणना सकिदाँसम्म गाउँपालिका अध्यक्षमा एमालेका पुनले दुई हजार २०५, काँग्रेसका तिलिजाले दुई हजार १४९, उपाध्यक्षमा एमालेकी दिवाले दुई हजार ३३० र काँग्रेसकी ललिताले दुई हजार ५७ मत पाउनुभएको छ ।
