बेनी,। म्याग्दीको रघुगंगा गाउँपालिका –२ भगवतिमा नेकपा एमालेका वडा अध्यक्षका उमेद्वार अमृत भण्डारीको प्यानल विजयी भएको छ ।
भण्डारीले ७७३ मत प्राप्त गरि विजयी हुँदा उहाँका प्रतिस्पर्धी नेकपा माओवादी केन्द्रका नर बहादुर भण्डारीले ५८९ र नेपाली काँग्रेसका लोक बहादुर भण्डारीले ३८३ मत पाउनुभयो । भगवतिमा यसअघिको निर्वाचनमा नेकपा माओवादी विजयी भएको थियो ।
सदस्यहरुमा उमादेवि केसी खत्री, रसिला परियार, नरबहादुर भण्डारी र कृष्ण बहादुर कटुवाल क्षेत्री निर्वाचित हुनुभएको सहायक निर्वाचन अधिकृत अमृत सुवेदीले जानकारी दिनुभयो ।
गाउँपालिका अध्यक्षमा एमालेका दिपक कार्कीलाई ५८१, काँग्रेसका भवबहादुर भण्डारीलाई ७८५ र माओवादीलाई मिना विश्वकर्मालाई ३४१ मत प्राप्त भएको छ । त्यसैगरी उपाध्यक्षमा एमालेका यामकुमारी गर्वुजाले ५३९, काँग्रेसका प्रेमकुमारी पुनले ३५६ र माओवादीका रिम कटुवालले ८७४ मत प्राप्त गर्नुभएको छ ।
वडा नम्वर १ र २ को मत जोड्दा अध्यक्षमा दिपक कार्कीको ९२३, भव बहादुर भण्डारीको १२१९ र मिना विश्वकर्माको ३९१ मत भएको छ । उपाध्यक्षमा यामकुमारी गर्वुजाको ८९३, प्रेम कुमारी पुनको ७९३ र रिम कटुवालको ९२३ मत पुगको छ ।
