बेनी । जलजला गाउँपालिका स्थित पर्वत बेनी खानेपानी तथा सरसफाई उपभोक्ता संस्थाको चौथो साधारणसभा शनिबा सम्पन्न भएको छ ।
बि.स. २०७० सालमा स्थापना भएको संस्थाले पर्वतको जलजला गाउँपालिकाको २, ३ र ४ नम्बर वडाका ६६४ घरधुरीका सात हजार जनसंख्यालाई खानेपानी बितरण र ब्यवस्थापन गर्दै आएको छ ।
साधारणसभामा जलजला गाउँपालिकाका अध्यक्ष यामबहादुर मल्ल (रामकृष्णले) खानेपानी वितरणलाई थप ब्यवस्थित र दिगोपनामा ध्यान दिन सुझाव दिनुभयो । संस्थाका अध्यक्ष लोकनाथ रेग्मीले संस्थागत, सचिव शिवबहादुर कार्कीले प्रगति र कोषाध्यक्ष सम्मरबहादुर थापाले आर्थिक प्रतिवेदन पेश गर्नुभएको थियो ।
जलजला–३ का वडा अध्यक्ष देबेन्द्रबहादुर भण्डारी (रबी), बेनी खानेपानी तथा सरसफाई उपभोक्ता संस्थाका सचिव राजेन्द्रकुमार श्रेष्ठ, उपभोक्ता सूर्यबहादुर कार्कीले मन्तब्य व्यक्त गर्नुभएको थियो ।
दुई वर्षअघि करिब १२ करोड ४३ लाख रुपैयाँको लागतमा सम्पन्न भएको योजनाको पर्वत बेनीको आटारीमा ४ लाख लिटर क्षमताको ट्याङ्कीबाट २४सै घण्टा पानी वितरणको व्यवस्था मिलाएको छ ।
चैत, वैशाखमा खानेपानीको समस्या नहोस् भनेर कालीगण्डकी नदीबाट पम्पिङ गर्ने गरिएको छ । संस्थाका अध्यक्ष रेग्मीको अध्यक्षता, उपाध्यक्ष रेणुदेवी मल्लको स्वागत र सचिव कार्कीको सञ्चालनमा सम्पन्न भएको थियो ।
