बेनी । म्याग्दीको बेनी नगरपालिका–९ कोशेपानीमा पहिरोका कारण दुई घरपरिवार बिस्थापित भएका छन् ।
केही दिनदेखिको निरन्तरको बर्षातका कारण घरवरपरको जमिन लच्किएको र पर्खाल चर्किएकाले जोखिम बढेपछि उनिहरुलाई सुरक्षित ठाउँमा सारिएको स्थानीय केशव चोखालले बताउनुभयो ।उनिहरु छिमेकीकोमा आश्रय लिएर बसेका छन् ।
मोतिलाल मिजारका दुई भाई छोराको घर जोखिममा परेको छ । दुई वटा परिवारमा तीन तीन जना छन् । घरको पर्खाल र आगन चर्किएको छ । वपरपरको जमिन पनि चिरा परेको छ । थप क्षति हुन नदिन घरका सामान र मानिसहरुलाई सारिएको हो ।
