![Add Samajik bikash office](https://dhaulagirikhabar.com/wp-content/uploads/2024/06/Add-Samajik-bikash-office-3.jpg)
जोमसोम । मुस्ताङमा कोरोना (भाइरस)बाट संक्रमित र स्वाब प्रस्वास सम्बन्धी समस्या भएका बिरामीको उपचारमा आवश्यक पर्ने १२ थान अक्सिजन कल्सन्ट्रेटरसहित स्वास्थ्य सामग्री प्राप्त भएको छ ।
मुस्ताडबाट निर्वाचित निवर्तमान प्रतिनिधिसभा सदस्य प्रेमप्रसाद तुलाचनको पहलमा “माउन्टेन हर्ट नेपाल’’ले स्वास्थ्य उपकरण सहयोग गरेको हो । अमेरिकी संस्था “डाईरेक्ट रिलिभ’’ मार्फत उपलब्ध सामग्री बिहिबार जोमसोममा मुस्ताङका स्थानीय तहहरुलाई उपलब्ध गराइएको थियो ।
मुस्ताडको जोमसोम अस्पताल र पाँच वटा स्थानीय तहलाई २÷२ थान अक्सिजन कल्सन्ट्रेटर उपलब्ध गराइएको तुलाचनले जानकारी दिनुभयो । “अक्सिजन कल्सन्ट्रेटरले कोभिड संक्रमित मात्र नभई अन्य बिरामीको उपचारमा पनि सहयोग पुग्छ,” उहाँले भन्नुभयो “स्थानीयबासीका साथै लेक लागेर बिरामी हुने पर्यटक र तिर्थयात्रीका लागि पनि यसको प्रयोग गर्न सकिन्छ ।”
![Shreekrishna hardwear in news](https://dhaulagirikhabar.com/wp-content/uploads/2023/10/Shree-Krishna-Hardware.gif)
![Bhautik ministry notice about road](https://dhaulagirikhabar.com/wp-content/uploads/2023/10/Bhautik-ministry-notice-scaled.jpg)
विदेशी संस्थाबाट सहयोग प्राप्त सामाग्री हस्तान्तरणका लागि अध्यक्ष अवन गौतमसहित संस्थाका प्रबन्धक बिजय पौडेल र इन्जिनियर प्रताप अधिकारी हेलिकोप्टर चढेर मुस्ताङ पुग्नुभएको थियो । माउन्टेन हर्ट नेपालले गोर्खा ,नुवाकोट र मुस्ताडमा कल्सन्ट्रेटर हस्तान्तरण गरेको जनाएको छ ।
संस्थाले केही दिनभित्रै मनाङ, म्याग्दी,रसुवा र कास्कीसहित आवश्यक पर्ने जिल्लाहरुमा अस्किसजन कल्सन्ट्रेटर हस्तान्तरण गर्ने तयारी गरेको जनाएको छ । मुस्ताङ अस्पतालमा हालसम्म सघन उपचारकक्ष र भेन्टिलेटरको सुबिधा छैन् । अस्पतालमा पर्याप्त जनशक्ती समेत नभएकाले संस्थाले प्रदान गरेको अक्सिजन कल्सन्ट्रेटर मुस्ताडका स्थानीयलाई बहुउपयोगी हुने जनाइएको छ ।
मुस्ताड जिल्ला अस्पतालमा न्यून क्षमताको अक्सिजन प्लान भएको र सिलिन्डरमा अक्सिजन भर्ने उपकरण नभएकाले अक्सिजन ढुवानीमा समस्या पर्दै आइरहेको छ । बर्खायामको मौसममा बाढी÷पहिरो र नदीकटानका कारण सडकको दुरअवस्थाका कारण पनि अक्सिजन भरेर मुस्ताङ लैजान समस्या हुने गरेको छ ।
![Gandaki dadelo notice](https://dhaulagirikhabar.com/wp-content/uploads/2023/05/Add-aantarik-mamila-upabhokta.jpg)