बेनी । एकिकृत अखिल नेपाल शिक्षक संगठनले बिहीबार मंगला गाउँपालिकामा विभिन्न पेशागत तथा शैक्षिक बिषयसँग सम्बन्धित २५ बुदे माग सहितको ज्ञापनपत्र बुझाएको छ ।
संगठनका जिल्ला अध्यक्ष हुमनाथ पाण्डे र पालिका कमिटिका अध्यक्ष गमबहादुर खत्रीको टोलीले गाउँपालिकाका अध्यक्ष सतप्रसाद रोका, उपाध्यक्ष सिर्जना केसी, प्रमुख प्रशासकीय अधिकृत मनोहर ढुङ्गाना, शिक्षा अधिकृत र संयोजकलाई ज्ञापनपत्र बुझाएको हो ।
न्युन तलबमा काम गरिरहेका बिद्यालय कर्मचारीहरुको समयअनुकुल तलब बृद्धीको पहल गर्नुपर्ने, स्थानीय तहमा शिक्षा सम्बन्धी कार्यहरु सञ्चालनका लागि सबै शिक्षक संगठनको प्रतिनिधित्वमा सामाजिक संवाद समिति बनाउनुपर्ने, कक्षागत र भौगोलिक आधारमा दरबन्दि मिलान अघि बढाउनुपर्ने, निजी बिद्यालयको शूल्क नियमन गर्नुपर्ने, निजी बिद्यालयका शिक्षकलाई तोकिएको तलब उपलब्ध गराउनुपर्ने, शिक्षक मैत्री वातावरण बनाएर दरबन्दी मिलान गर्नुपर्ने लगायतका माग रहेका छन् ।
