बेनी । बेनी नगरपालिका–६ थाकनपोखरीमा सोमबार १११ औ अन्तराष्ट्रिय श्रमिक महिला दिवस मनाइएको छ ।
अनेमसंघ र अन्तरपार्टी महिला संघ म्याग्दीको सहयोगमा थाकनपोखरी आमा समूहले कार्यक्रमको आयोजना गरेका थिए ।
कार्यक्रममा अन्तरपार्टी महिला सञ्जाल म्याग्दीका अध्यक्ष मुना बानिया र अनेमसंघका केन्द्रीय सदस्य ज्योती लामिछानेले महिला अधिकारमा प्राप्त उपलब्धिको ब्यवहारिक कार्यान्वयनमा जोड दिनुभयो ।
होमकुमारी रेग्मीको अध्यक्षता, देबी आचार्यको सञ्चालन र कमला रेग्मीको स्वागत मन्तब्यमा कार्यक्रम सम्पन्न भएको थियो । सहभागीहरुले महिला अधिकार र समस्याका बारेमा गित र रचना वाचन गर्नुभएको थियो ।
