बेनी, । बेनीमा शनिबार १० दिने उद्यमशिलता बिकास तालिम सम्पन्न भएको छ ।
घरेलु तथा साना उद्योग कार्यालयको आयोजनामा फागुन ४ गतेदेखि सुरु भएको तालिममा ब्यवसाय गरिरहेका र गर्न लागेका ३० जनाको सहभागिता थियो ।
तालिमको उद्यम बिकास सहजकर्ता होमदेवी खत्री भण्डारीले सहजिकरण गर्नुभएको थियो । ब्यवसायलाई ब्यवस्थित रुपमा सञ्चालन गरेर सफल बनाउने ज्ञान सिप सिकाउने उद्देश्यले तालिमको आयोजना गरेको हो ।
तालिमको समापनमा गण्डकी प्रदेशका उद्योग, पर्यटन, वन तथा वातावरण मन्त्रालयका सचिव डाक्टर महेश्वर ढकालले प्रदेश सरकारले उद्यम ब्यवसाय गर्नेहरुलाई सहुलियत कर्जाको लागि आवेदन आव्हान गरेको जानकारी दिनुभयो । तालिममा सहभागि रञ्जित थापा, मिना बानिया केसी, रनबहादुर शाही र बिष्णु किसानले सद्धान्तिक ज्ञान भएपछि ब्यवसाय सञ्चालन गर्न सहज हुने अनुभव सुनाउनुभयो ।
घरेलु तथा साना उद्योग कार्यालयका प्रमुख नन्दलाल पौडेलको अध्यक्षता, तथ्याङ्क सहायक सन्तोष ढुङ्गानाको सञ्चालन र अधिकृत स्तर पाँचौ गोबिन्दप्रसाद सुबेदीको स्वागतमा सम्पन्न कार्यक्रममा दोभान कृषि सहकारी संस्थाका अध्यक्ष अमृतादेवी बानियाले पनि मन्तब्य व्यक्त गर्नुभएको थियो ।
