बेनी। म्याग्दीका मलिन रोका गण्डकी विश्व विद्यालयको खेलकुद ब्यवस्थापन शंकायमा सर्वोकृष्ट अंक सहित स्नातक तह उतिर्ण हुने हुनुभएको छ ।
तीन दशमलब ९८ सि.जि.पिए. प्राप्त गरेका बेनी नगरपालिका –९ का ३४ वर्षीय रोका गण्डकी प्रदेश सरकारले सञ्चालन गरेको उक्त विश्व विद्यालयबाट खेलकुद ब्यवस्थापन संकायमा स्नातक तह उतिर्ण हुनुभएको हो । गण्डकी विश्व विद्यालयले खेलकुद व्यवस्थापन विषयमा चार वर्षे कोर्ष सञ्चालन गरेको छ ।
रोका सहित ४४ जना स्नाकोत्तर तह उतिर्ण विद्यार्थीहरुलाई गण्डकी प्रदेश सरकारका मुख्यमन्त्रि सुरेन्द्रराज पाण्डेले दिक्षान्त समारोहमा पदक वितरण गर्नुभयो । रोकाले सुन र चाँदी जडित तक्मा प्राप्त गर्नुभएको छ ।
रोका सहित राष्ट्रिय महिला भलिबल टिमका क्याप्टेन समेत रहेकी म्याग्दीकै अरुणा शाही र विकल कडेल (भगिरथ) पनि खेलकुद व्यवस्थापनमा स्नातक तह उतिर्ण हुनुभएको छ । जिल्ला खेलकुद विकास समिति म्याग्दीका सदस्य र प्रदेश महिला भलिबल टिम प्रशिक्षक रोका प्रादेशिक भलिबल रेफ्री हुनुहुन्छ ।
