बेनी। नेत्रविक्रम चन्द् (विप्लप) नेतृत्वको नेकपा माओवादीले आगामी फागुन २१ गते हुन लागेको प्रतिनिधीसभा सदस्य निर्वाचनको प्रत्यक्षतर्फ म्याग्दीमा धु्रब घिमिरेलाई उमेद्वार बनाएको छ ।
पोलिटब्युरो सदस्य तथा म्याग्दी जिल्ला ईञ्चार्ज घिमिरेलाई आइतबार पोखरामा नेकपा माओवादीका नेताहरुले टिकट हस्तान्तरण गर्नुभयो । बेनी नगरपालिका–२ बगरफाँटका घिमिरे म्याग्दी बहुमुखी क्याम्पसको पुर्व स्ववीयु सभापति हुनुहुन्छ ।
माओवादी नेतृत्वमा सञ्चालन भएको दश वर्षे जनयुद्धमा भूमिगत भएका घिमिरे पहिलो पटक संसदीय चुनावमा प्रतिस्पर्धा गर्न लाग्नुभएको हो । नेकपा माओवादीले संसदीय प्रतिस्पर्धालाई उपभोग गर्ने नीति लिएपछि घिमिरे चुनावी प्रतिस्पर्धामा भाग लिने हुनुभएको हो । विप्लपले वि.स. २०७०, २०७४ र २०७९ को चुनाव बहिस्कार गरेका थिए ।
