बेनी ः म्याग्दीको मंगला गाउँपालिका–५ अर्मनमा राष्ट्रिय स्वतन्त्र पार्टीको संगठन विस्तार भएको छ । पाखुमा शनिबार भएको वडा अधिवेशनबाट बलबहादुर खड्काको सभापतित्वमा रास्वपाको कमिटि गठन भएको हो ।
उपसभापतिमा टिलोचन खराल, सचिवमा सुदर्शन सापकोटा र सहसचिवमा नरबहादुर छन्त्याल रहनुभएको छ । यामकुमारी श्रीपाली, इन्द्रलाल सुवेदी, पद्ममा बिक, विनु सापकोटा खत्री, लक्ष्मी श्रीपाली, अमरबहादुर थापा र दुर्गादत्त सुवेदी सदस्यम ाचयन हुनुभएको मंगला गाउँपालिका सभापति सुनिल शर्माले बताउनुभयो ।
अधिवेशनबाट दु्रत समुहको संयोजकमा लेखबहादुर खत्री, उपसंयोजक हरिप्रसाद सापकोटा, संगठन विभाग संयोजक प्रेम खड्का, उप–संयोजक प्रकाश रोका रहनुभएको छ । रास्वपा जिल्ला सभापति यूवराज रोकाले विभिन्न पार्टी परित्याग गरेर आउनेलाई पार्टीमा उचित जिम्मेबारी दिने र नयाँ पुस्तालाई पार्टीका गतिविधिमा केन्द्रित गर्ने बताउनुभयो ।
सभापति रोकाले म्याग्दीका सबै स्थानीय तहका ४५ वटै वडामा समिति गठन गरी प्रतिनिधिसभा निर्वाचनमा म्याग्दीबाट नयाँ शक्तीको उदय गराउने घोषणा गर्नुभयो । वडा अधिवेशनको उद्घाटन रास्वपा गण्डकी प्रदेशका महामन्त्री नविन त्रिपालीले गण्डकी प्रदेशमा प्रतिनिधिसभा र स्थानीय तहको निर्वाचनको तयारीमा जुट्न अनुरोध गर्नुभयो ।
उहाँले जनताका आवश्यकता पुरा गर्न दु्रत समुहलाई सक्रियतापुर्वक लाग्न समेत निर्देशन दिनुभयो ।
