बेनी, । भ्रष्ट्राचार र बेतिथिका विरुद्ध तथा बन्द भएको सामाजिक सञ्जाल खुलाउन माग गर्दै सोमबार बेनीमा जेनजी पुस्ताले प्रर्दशन गरेका छन् ।
बिरेन्द्रचोकमा दिउँसो १ बजेदेखि भेला भएका दश जोड दुई र क्याम्पस तहमा अध्ययन गर्ने विद्यार्थीहरुले सरकारले सामाजिक सञ्जालहरुमा हालै लगाएको प्रतिबन्ध खुलाउनुपर्ने, भ्रष्ट्राचार नियन्त्रण र शुसासनको माग सहित नाराबाजी गरेका थिए ।
सहभागीहरुले खानलाई नुन छैन, तिमिलाई आड्न सुन चाहिने ?, नो करपसन, करपसन स्टप, स्वतन्त्र आवाज हाम्रो अधिकार, अभिव्यक्ति स्वतन्त्रता कायम गर भन्ने नारा लेखेको प्ले कार्ड बोकेका थिए ।
बिरेन्द्रचोकबाट सुरु भएको ¥याली, हुलाकचोक, न्युरोड, क्याम्पसचोक, गणेशटोल, संगमचोक, बालमन्दिरचोक हुदै पुन सोही ठाउँमा पुगेर समापन भएको थियो । सत्तारुढ दल नेपाली काँग्रेसको भातृ संगठन नेविसंघका नेता समेत रहेका म्याग्दी क्याम्पसका स्ववीयु सभापति संगम चोखालको नेतृत्वमा प्रर्दशन भएको थियो ।
सरकारलाई खबरदारी गर्न भएको प्रर्दशन शान्तिपूर्ण रुपमा सम्पन्न भएको चोखालले बताउनुभयो । भ्रष्ट्राचारको अन्त्य, शुसासन र सामाजिक सञ्जाल खुलाउन माग गरेका जेनजी पुस्ताले नेता, कर्मचारीहरुको विलासी जिवनशैली र करको सदुपयोगका बारेमा प्रश्न गरेका छन् । राज्यको नीति नियम र कानुन कार्यान्वयनमा सबैलाई समान व्यवहार हुनुपर्ने उनिहरुको माग छ ।
