बेनी। बेनी नगरपालिका–२ बाङ्गेरामा शुक्रबार साँझ अटो दुर्घटना हुँदा दुई जना घाइते भएका छन् ।
बेनी देखि बगरफाँट तर्फ जाँदै गरेको ग. प्र. ०२००१ ह ००२० नम्बरको अटो अनियन्त्रित भएर सडकबाट करिब २० मिटर तल खसेर दुर्घटना भएको जिल्ला प्रहरी कार्यालयले जनाएको छ ।
घाइते भएका अटोका चालक बेनी नगरपालिका २ का २० वर्षीय शुशिल कुँवर र बेनी नगरपालिका ३ भकिम्लीका १५ वर्षीय रिजन हुमेनको प्रादेशिक अस्पताल बेनीमा उपचार गरिएको प्रहरीले जनाएको छ ।
