बेनी,। रोजगारीको क्रममा विदेशमा रहेको अवस्थामा दिवंगत हुनुभएका म्याग्दीको मंगला गाउँपालिका –५ अर्मन नेटाका इश्वर विकको परिवारलाई लायन्स क्लवले सहयोग गरेका छन् ।
लायन्स क्लव अफ म्याग्दी दरवाङ र काठमाडौ निलगिरीको संयुक्त आयोजनामा इश्वरको घरमा पुगेर परिवारका सदस्यलाई रु. १५ हजार हस्तान्तरण गरिएको हो । क्लवका अध्यक्ष करन कडेल, जोन चियर पर्सन सन्तनाथ सुवेदी, पुर्व अध्यक्ष थमन गौतम, सचिव श्याम सुन्दर कडेल, दिनेश ढकालको टोलीले सहयोग हस्तान्तरण गरेको हो ।
क्लवले यसअघि मालिका गाउँपालिका–३ लुम्सीपारमा पहिरोमा परि दिवंगत भएका बुवा र छोराका परिवारलाई पनि खाद्यान्न सहयोग गरेको थियो । यसैगरी मंगला गाउँपालिका –५ कैलाश फाँटमा वृक्षारोपण गरेको छ ।
