बेनी, । म्याग्दीको रघुगंगा गाउँपालिकाले चालु आर्थिक वर्ष २०८१÷०८२ मा ७८ प्रतिशत बजेट खर्च गरेको छ ।
कुल ४८ करोड ६५ लाख ३९ हजार बजेट बिनियोजन भएकोमा ७८ दशमलब ४१ प्रतिशत अथवा ३८ करोड १४ लाख ७७ हजार दुई सय ४८ खर्च भएको गाउँपालिकाले जनाएको छ ।
पुँजिगत शिर्षकमा रु. १२ करोड ४६ लाख ५२ हजार बजेट बिनियोजन भएकोमा रु. आठ करोड २७ लाख ७१ हजार छ सय ८९ खर्च भएको निमित्त प्रमुख प्रशासकीय अधिकृत पदमबहादुर भण्डारीले बताउनुभयो ।
पुजिगत शिर्षकको ६६ दशमलब ४० प्रतिशत बजेट खर्च भएको हो । चालु शिर्षकमा रु. ३६ करोड १८ लाख ८७ हजार बिनियोजन भएकोमा रु. २९ करोड ८७ लाख पाँच हजार पाँच सय ५८ अथवा ८२ दशमलब ५४ प्रतिशत बजेट खर्च भएको छ । चालु आर्थिक वर्षको भुक्तानीको अन्तिम दिन बुधबारसम्म थियो ।
